ಮುಂಬಯಿ: ಇಲ್ಲಿನ ಮೀರಾ ರೋಡ್ ಪೂರ್ವದ ಪೂನಮ್ ಸಾಗರ್ ಕಾಂಪ್ಲೆಕ್ಸ್ನ ವಸುಂಧರಾ ಬಿಲ್ಡಿಂಗ್ ನಿವಾಸಿ, ಮೂಲತಃ ಪಾಂಗಾಳ ಗುಡ್ಡೆ ಗರಡಿಮನೆಯವರಾದ ಅಪ್ಪಿ ಸಂಜೀವ ಪಾಲನ್ (85) ಅವರು ಮಾರ್ಚ್ 29ರ ಭಾನುವಾರ ನಿಧನರಾದರು.
ಮೃತರು ಒಬ್ಬ ಪುತ್ರ, ಇಬ್ಬರು ಪುತ್ರಿಯರು, ಇಬ್ಬರು ಅಳಿಯಂದಿರು, ಇಬ್ಬರು ಸೊಸೆಯಂದಿರು, ಎಂಟು ಮಂದಿ ಮೊಮ್ಮಕ್ಕಳು, ಓರ್ವ ಮರಿ ಮೊಮ್ಮಗ ಹಾಗೂ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ. ಇವರ ನಿಧನಕ್ಕೆ ಸಮಾಜದ ಗಣ್ಯರು ಹಾಗೂ ಹಿತೈಷಿಗಳು ಸಂತಾಪ ಸೂಚಿಸಿದ್ದಾರೆ.
