ಭಯಂದರ್: ಭಾಯಂದರ್ ಪೂರ್ವದ ಎಸ್.ವಿ. ರೋಡ್, ನರೇಶ್ ಸ್ಟೀಲ್ ಸಮೀಪದ ನ್ಯೂ ಕೃಷ್ಣ ಪ್ಯಾಲೇಸ್ ಬಳಿ ಇರುವ ಶ್ರೀ ಮೂಕಾಂಬಿಕಾ ಶಾಂತದುರ್ಗಾ ದೇವಸ್ಥಾನದ ವಾರ್ಷಿಕ ಮಹಾಪೂಜೆಯು ಏಪ್ರಿಲ್ 12ರ ಭಾನುವಾರ ಅತ್ಯಂತ ವಿಜೃಂಭಣೆಯಿಂದ ನಡೆಯಲಿದೆ.
ಸುಂದರಿ ಶೆಟ್ಟಿ ಪರಿವಾರ, ಸಮಿತಿಯ ಸದಸ್ಯರು ಹಾಗೂ ಭಕ್ತಾಭಿಮಾನಿಗಳ ಇಚ್ಛೆಯಂತೆ, ಧರ್ಮ ಸೇವಕ ಶೇಖರ್ ಶೆಟ್ಟಿಯವರ ಮಾರ್ಗದರ್ಶನದಲ್ಲಿ ಪ್ರತಿ ವರ್ಷದಂತೆ ಈ ವರ್ಷವೂ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ಜರುಗಲಿವೆ.
ಕಾರ್ಯಕ್ರಮದ ವಿವರ:
- ಬೆಳಿಗ್ಗೆ 6:00ಕ್ಕೆ: ವನದುರ್ಗಾ ಹೋಮ.
- ಬೆಳಿಗ್ಗೆ 9:30ರಿಂದ: ಭಜನಾ ಕಾರ್ಯಕ್ರಮ.
- ಬೆಳಿಗ್ಗೆ 11:30ಕ್ಕೆ: ಪುಷ್ಪಾಲಂಕಾರ, ಶ್ರೀ ದೇವಿಯ ದರ್ಶನ ಹಾಗೂ ಮಹಾಮಂಗಳಾರತಿ.
- ಮಧ್ಯಾಹ್ನ 1:00ರಿಂದ: ಮಹಾಪ್ರಸಾದ (ಅನ್ನಸಂತರ್ಪಣೆ).
”ಈ ಪುಣ್ಯ ಕಾರ್ಯಕ್ರಮಕ್ಕೆ ಭಕ್ತಾಭಿಮಾನಿಗಳು ತಮ್ಮ ಬಂಧು-ಮಿತ್ರರೊಂದಿಗೆ ಆಗಮಿಸಿ, ಶ್ರೀ ದೇವಿಯ ದರ್ಶನ ಪಡೆದು ತೀರ್ಥ-ಪ್ರಸಾದ ಸ್ವೀಕರಿಸಿ ಪುನೀತರಾಗಬೇಕು,” ಎಂದು ಶೇಖರ್ ಶೆಟ್ಟಿ ಹಾಗೂ ಶ್ರೀ ಮೂಕಾಂಬಿಕಾ ಶಾಂತದುರ್ಗಾ ಸೇವಾ ಸಮಿತಿಯ ಸರ್ವ ಸದಸ್ಯರು ವಿನಂತಿಸಿದ್ದಾರೆ.
