ಬೆಂಗಳೂರು: ಉಡುಪಿ ಶ್ರೀ ಪುತ್ತಿಗೆ ಶಾಖಾ ಮಠದ ಆಶ್ರಯದಲ್ಲಿ, ಶ್ರೀ ಸಿದ್ಧಿ ವಿನಾಯಕ ಯಕ್ಷಗಾನ ಮಂಡಳಿ ಮುಂಬೈ ಇವರ ಸಂಯೋಜನೆಯಲ್ಲಿ ಹೊನ್ನಾವರದ ಹೊಸಪಟ್ಟಣ ಯಕ್ಷಕಲಾ ಟ್ರಸ್ಟ್ (ರಿ.) ಕಲಾವಿದರಿಂದ ‘ಶ್ರೀ ರಾಘವೇಂದ್ರ ಮಹಿಮೆ’ ಭಕ್ತಿಪ್ರಧಾನ ಯಕ್ಷಗಾನ ಪ್ರದರ್ಶನವು ಅಕ್ಟೋಬರ್ 4ರ ಭಾನುವಾರ ಸಂಜೆ 5 ಗಂಟೆಗೆ ಬಸವನಗುಡಿಯ ಶ್ರೀ ಗೋವರ್ಧನ ಕ್ಷೇತ್ರದಲ್ಲಿ ಆಯೋಜನೆಗೊಂಡಿದೆ.
ಉಡುಪಿ ಶ್ರೀ ಪುತ್ತಿಗೆ ಮಠದ ಪೀಠಾಧಿಪತಿಗಳಾದ ಪರಮಪೂಜ್ಯ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥಪಾದರು, ಶ್ರೀ ಕ್ಷೇತ್ರ ಮಂತ್ರಾಲಯದ ಪೀಠಾಧಿಪತಿಗಳಾದ ಶ್ರೀ ಶ್ರೀ ಶ್ರೀ ಸುಬುಧೇಂದ್ರ ತೀರ್ಥಪಾದರು ಹಾಗೂ ಉಡುಪಿ ಶ್ರೀ ಪುತ್ತಿಗೆ ಮಠದ ಕಿರಿಯ ಯತಿವರ್ಯರಾದ ಶ್ರೀ ಶ್ರೀ ಶ್ರೀ ಸುಶೀಂದ್ರ ತೀರ್ಥಪಾದರ ಪೂರ್ಣಾನುಗ್ರಹದೊಂದಿಗೆ ಈ ಕಾರ್ಯಕ್ರಮ ನಡೆಯಲಿದೆ.
ನಂದೊಳ್ಳಿ ಶಾಂತರಾಮ್ ಶೆಟ್ಟಿ ಅವರ ವಿರಚಿತ ಈ ಪ್ರಸಂಗದಲ್ಲಿ ಹಿಮ್ಮೇಳ ಹಾಗೂ ಮುಮ್ಮೇಳಗಳಲ್ಲಿ ಖ್ಯಾತ ಕಲಾವಿದರು ರಂಗವೇರಲಿದ್ದಾರೆ:
- ಹಿಮ್ಮೇಳ:
- ಭಾಗವತರು: ಶ್ರೀ ಸೃಜನ್ ಗಣೇಶ ಹೆಗಡೆ
- ಅತಿಥಿ ಭಾಗವತರು: ಶ್ರೀ ಸುಧೀರ್ ಭಟ್ ಪೆರ್ಡೂರು ಹಾಗೂ ಶ್ರೀ ಚಂದ್ರಕಾಂತ ರಾವ್ ಮೂಡುಬೆಳ್ಳೆ
- ಮದ್ದಳೆ: ಶ್ರೀ ಸುಬ್ರಹ್ಮಣ್ಯ ಭಟ್ ಬಾಡ
- ಚೆಂಡೆ: ಶ್ರೀ ರಾಮನ್ ಹೆಗಡೆ ಮೂರೂರು
- ಮುಮ್ಮೇಳದ ಕಲಾವಿದರು:
- ಭಕ್ತ ಪ್ರಹ್ಲಾದನ ಪಾತ್ರದಲ್ಲಿ: ಬಾಲ ಯಕ್ಷ ಕಲ ರತ್ನ 9 ವರ್ಷದ ಆತ್ರೇಯ ಗಾಂವ್ಕರ್
- ಶ್ರೀ ಈಶ್ವರ ನಾಯ್ಕ ಮಂಕಿ, ಶ್ರೀ ಚಂದ್ರಹಾಸ ಗೌಡ ಹೊಸಪಟ್ಟಣ, ಶ್ರೀ ಕಾರ್ತಿಕ್ ಭಟ್ ಕಣ್ಣಿಮನೆ, ಶ್ರೀ ವಿಘ್ನೇಶ್ವರ ಹಾವಗೋಡಿ, ಶ್ರೀ ಪವನಕುಮಾರ ಸಾಣ್ಮನೆ, ಶ್ರೀ ಗೌರೀಶ ಗುಣವಂತೆ
- ಸ್ತ್ರೀ ವೇಷ: ಶ್ರೀ ಸುಬ್ರಹ್ಮಣ್ಯ ಹೆಗಡೆ ಯಲಗುಪ್ಪ, ಶ್ರೀ ವಿಜಯ ಗಾಣಿಗ ಬೀಜಮಕ್ಕಿ
- ಹಾಸ್ಯ: ಶ್ರೀ ನಂದನ್ ಶೆಟ್ಟಿ, ಶ್ರೀ ಪಾಂಡು ಪಟಗಾರ ಯಾಣ
- ಸಹಕಾರ ಮತ್ತು ನಿರ್ವಹಣೆ:
- ವೇಷಭೂಷಣ: ಶ್ರೀ ಉದಯ ಗೌಡ ಆಡುಕಳ
- ಧ್ವನಿವರ್ಧಕ: ಶ್ರೀ ಕೃಷ್ಣ ಗೌಡ ಹೊಸsource/ಹೊಸಾದ
- ಸಂಘಟನೆ: ಶ್ರೀ ಸಿದ್ಧಿ ವಿನಾಯಕ ಯಕ್ಷಗಾನ ಮಂಡಳಿ ಮುಂಬೈನ ಸಂಚಾಲಕರಾದ ಶ್ರೀ ಸುರೇಶ ಬರ್ಕಲಮಕ್ಕಿ (ಮೊ: 8861628077), ಶ್ರೀ ಗೋವರ್ಧನ ಕ್ಷೇತ್ರದ ಆಡಳಿತ ಮಂಡಳಿ ಹಾಗೂ ಬೆಂಗಳೂರಿನ ಸಂಜೀವಿನಿ ಆರ್ಗಾನಿಕ್ ಸಾಂಸ್ಥಾನ – ಕಲಾಸಂಗಮ.
ವಿಶೇಷ ಆಕರ್ಷಣೆ: ಕಾರ್ಯಕ್ರಮದ ಅಂಗವಾಗಿ ಪುರಾತನ ರಾಸಾಯನಿಕ ರಹಿತ ದೇಶಿ ಭತ್ತದ ವಿವಿಧ ತಳಿಗಳು ಹಾಗೂ ಅಕ್ಕಿಗಳ ಪ್ರದರ್ಶನವೂ ಇರಲಿದೆ. ಕಾರ್ಯಕ್ರಮಕ್ಕೆ ಎಲ್ಲರಿಗೂ ಉಚಿತ ಪ್ರವೇಶ ಕಲ್ಪಿಸಲಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
