ವಿಶ್ವದ ಫ್ಯಾಶನ್ ರಾಜಧಾನಿ ಪ್ಯಾರಿಸ್ನಲ್ಲಿ ನಡೆದ ‘ಮೈಲಿಗಲ್ಲು ಗ್ಲೋಬಲ್ ಫ್ಯಾಶನ್ ಟೂರ್’ (Milestone Global Fashion Tour) ಇತ್ತೀಚೆಗೆ ಅದ್ಭುತ ಕ್ಷಣಕ್ಕೆ ಸಾಕ್ಷಿಯಾಯಿತು. ಜನವರಿ 10ರಂದು ಲಂಡನ್ನ ಖ್ಯಾತ ಡಿಸೈನರ್ ಡಾ. ಬರೋ ಸ್ಯಾಂಚೆಜ್ ಅವರ ಅದ್ವಿತೀಯ ವಿನ್ಯಾಸದ ಉಡುಪುಗಳನ್ನು ತೊಟ್ಟು ಪ್ರಭಾ ಸುವರ್ಣ ಅವರು ರ್ಯಾಂಪ್ (Ramp)ಮೇಲೆ ರಾಜಗಾಂಭೀರ್ಯದಿಂದ ಹೆಜ್ಜೆ ಹಾಕಿದರು. ಪ್ರಭಾ ಅವರ ಆತ್ಮವಿಶ್ವಾಸದ ನಡಿಗೆ ಮತ್ತು ನೈಸರ್ಗಿಕ ಸೌಂದರ್ಯವು ಡಾ. ಸ್ಯಾಂಚೆಜ್ ಅವರ ಸಮಕಾಲೀನ ಸೃಜನಶೀಲತೆಗೆ ಹೊಸ ಕಳೆಯನ್ನು ನೀಡಿತು.
ಜಾಗತಿಕ ಮಟ್ಟದ ಪ್ರತಿಭೆಗಳಿಗೆ ಬಲಿಷ್ಠ ವೇದಿಕೆ ಕಲ್ಪಿಸುವ ಮೈಲಿಗಲ್ಲು ಸಂಸ್ಥೆಯ ಈ ಪ್ರಯತ್ನವು ಸೃಜನಶೀಲತೆ ಮತ್ತು ವೈವಿಧ್ಯತೆಯ ಸಂಗಮವಾಗಿತ್ತು. ವಿಶ್ವದ ಶ್ರೇಷ್ಠ ವಿನ್ಯಾಸಕರು ಮತ್ತು ಮಾಡೆಲ್ಗಳನ್ನು ಒಗ್ಗೂಡಿಸುವಲ್ಲಿ ಪ್ಯಾರಿಸ್ ಆವೃತ್ತಿಯು ಮತ್ತೊಮ್ಮೆ ಯಶಸ್ವಿಯಾಗಿದೆ. ಈ ಪ್ರದರ್ಶನವು ಕೇವಲ ಫ್ಯಾಶನ್ ಆಗಿರದೆ, ಅಂತರರಾಷ್ಟ್ರೀಯ ಮಟ್ಟದ ಕಲೆ ಮತ್ತು ಸಂಸ್ಕೃತಿಯ ಸಮ್ಮಿಶ್ರಣವಾಗಿ ಮೂಡಿಬಂದಿದೆ.
ಬಹುಮುಖ ಪ್ರತಿಭೆಯ ಪ್ರಭಾ ಸುವರ್ಣ ಅವರಿಗೆ ಇತ್ತೀಚೆಗೆ ಮೈಸೂರಿನಲ್ಲಿ ನಡೆದ 2019 ನೇ ಸಾಲಿನ ಪ್ರತಿಷ್ಠಿತ ಕರ್ನಾಟಕ ವಾರ್ಷಿಕ ಚಲನ ಚಿತ್ರ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಕರ್ನಾಟಕದ ಗೌರವಾನ್ವಿತ ಮುಖ್ಯಮಂತ್ರಿ ಶ್ರೀ ಸಿದ್ಧರಾಮಯ್ಯ ಅವರು ರಾಜ್ಯ ಚಲನ ಪ್ರಶಸ್ತಿ ನೀಡಿ ಗೌರವಿಸಿದರು.ಹಾಗೂ ಮೈಲ್ ಸ್ಟೋನ್ ಪೇಜೆಂಟ್ಸ್ನ ಆಯೋಜನೆಯಲ್ಲಿ ದುಬೈನಲ್ಲಿ “ಜಾಗತಿಕ ಮಹಿಳಾ ಸಮಾವೇಶ” ಮುಂಬೈಯ ಪ್ರಭಾ ಎನ್ ಸುವರ್ಣ ಅವರು ಉಪನ್ಯಾಸ ನೀಡಿದ್ದರು.
