ಅನ್ನ ಸುರಕ್ಷತೆ ಮತ್ತು ನೈರ್ಮಲ್ಯದ ನಿಯಮಗಳನ್ನು ಉಲ್ಲಂಘಿಸಿದ ಹಿನ್ನೆಲೆಯಲ್ಲಿ, ಮಹಾರಾಷ್ಟ್ರದ ‘ಆಹಾರ ಮತ್ತು ಔಷಧ ಆಡಳಿತ’ (FDA) ‘ಜುಬಿಲೆಂಟ್ ಫುಡ್ವರ್ಕ್ಸ್ ಲಿಮಿಟೆಡ್’ ನಡೆಸುತ್ತಿದ್ದ ‘ಡೊಮಿನೋಸ್ ಪಿಜ್ಜಾ’ದ ನಾಲ್ಕು ಶಾಖೆಗಳ ಆಹಾರ ಉದ್ಯಮ ಪರವಾನಗಿಯನ್ನು ಅಮಾನತುಗೊಳಿಸಿದೆ. ಮುಂಬೈನ ವಿಲೆ ಪಾರ್ಲೆ (ಪಶ್ಚಿಮ), ಬೋರಿವಲಿ (ಪಶ್ಚಿಮ), ಘಾಟ್ಕೋಪರ್ನ ಆರ್-ಸಿಟಿ ಮಾಲ್ ಹಾಗೂ ಸತಾರಾ ಜಿಲ್ಲೆಯ ಕರಾಡ್ ಬಳಿಯ ಮಲ್ಕಾಪುರದಲ್ಲಿರುವ ಶಾಖೆಗಳ ಮೇಲೆ ಈ ಕ್ರಮ ಕೈಗೊಳ್ಳಲಾಗಿದೆ. ಪರಿಶೀಲನೆಯ ಸಮಯದಲ್ಲಿ ಅಪೂರ್ಣ ನೈರ್ಮಲ್ಯ ಮತ್ತು ಕ್ರಿಮಿನಾಶಕ ಕೊರತೆ, ಕ್ರಿಮಿಕೀಟ ನಿಯಂತ್ರಣದಲ್ಲಿ ವೈಫಲ್ಯ, ಆಹಾರದ ಸೂಕ್ತ ಸಂಗ್ರಹಣೆ ಮತ್ತು ತಾಪಮಾನ ನಿರ್ವಹಣೆಯ ಅಭಾವ, ಹಸಿ ಪದಾರ್ಥಗಳು ಮತ್ತು ತಕ್ಷಣ ಸೇವಿಸುವ ಆಹಾರದ ನಡುವೆ ಪ್ರತ್ಯೇಕತೆಯ ಕೊರತೆ ಹಾಗೂ ಆಹಾರ ಸುರಕ್ಷತೆಗೆ ಸಂಬಂಧಿಸಿದ ಅಪೂರ್ಣ ದಾಖಲೆಗಳು ಕಂಡುಬಂದಿದ್ದವು. ಈ ಕಾರ್ಯಾಚರಣೆಯನ್ನು ‘ಆಹಾರ ಸುರಕ್ಷತೆ ಮತ್ತು ಮಾನದಂಡಗಳ (ಆಹಾರ ಉದ್ಯಮಗಳ ಪರವಾನಗಿ ಮತ್ತು ನೋಂದಣಿ) ನಿಯಮಾವಳಿ, 2011’ ರ ಅಡಿಯಲ್ಲಿ ತೆಗೆದುಕೊಳ್ಳಲಾಗಿದೆ.
