ಮುಂಬಯಿ: ದಹಿಸರ್ ಪೂರ್ವದ ರಾಧಾಕೃಷ್ಣ ನಗರ, ಎಸ್. ಎನ್. ದುಬೆ ಮಾರ್ಗ, ರಾವಲ್ಪಾಡದಲ್ಲಿ ಸರಿಸುಮಾರು 26 ವರ್ಷಗಳ ಹಿಂದೆ ಚೆನ್ನಪ್ಪ ಪೂಜಾರಿ ಅವರ ನೇತೃತ್ವದಲ್ಲಿ ಸ್ಥಾಪನೆಯಾದ ಶ್ರೀ ಶನೀಶ್ವರ ಚಾಮುಂಡೇಶ್ವರಿ ಮಂದಿರದಲ್ಲಿ ಅ.11 ರಿಂದ ಅ.19 ರ ವರೆಗೆ 27ನೇ ವರ್ಷದ ನವರಾತ್ರಿ ಉತ್ಸವವು ಜರುಗಲಿದೆ.
ಅ.11 ರಂದು ಘಟಸ್ಥಾಪನೆಯೊಂದಿಗೆ ಧಾರ್ಮಿಕ ಕಾರ್ಯಕ್ರಮಗಳಿಗೆ ಚಾಲನೆ ಸಿಗಲಿದೆ. ಅ.18ರ ತನಕ ಪ್ರತಿದಿನ ಸಂಜೆ 6:30 ರಿಂದ ಭಜನೆ, ಕುಣಿತ ಭಜನೆ, ಮಹಾಮಂಗಳಾರತಿ, ದೇವಿ ಆವೇಶ ಹಾಗೂ ತೀರ್ಥಪ್ರಸಾದ ವಿತರಣೆ ನೆರವೇರಲಿದೆ.
ಅ.19 ರಂದು ಬೆಳಿಗ್ಗೆ 9:00 ರಿಂದ ಮಹಾ ದುರ್ಗಾ ಹೋಮ, ಮಧ್ಯಾಹ್ನ 12:00 ರಿಂದ ಭಜನಾ ಸಂಕೀರ್ತನೆ, ಮಧ್ಯಾಹ್ನ 2:00 ರಿಂದ ಮಹಾಮಂಗಳಾರತಿ, ದೇವಿ ಆವೇಶ, ತೀರ್ಥಪ್ರಸಾದ ವಿತರಣೆ ಹಾಗೂ ಮಹಾ ಅನ್ನಸಂತರ್ಪಣೆ ಜರುಗಲಿದೆ.
ಈ ಎಲ್ಲ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು, ತೀರ್ಥಪ್ರಸಾದ ಸ್ವೀಕರಿಸಿ ಶ್ರೀ ದೇವಿಯ ಕೃಪೆಗೆ ಪಾತ್ರರಾಗಬೇಕಾಗಿ ಮಂದಿರದ ಆಡಳಿತ ಸಮಿತಿಯವರು ಪ್ರಕಟಣೆಯಲ್ಲಿ ಕೋರಿದ್ದಾರೆ.
