November 21, 2026
Mumbai News Kannada
ಸುದ್ದಿ

38 ವರ್ಷಗಳ ಸುದೀರ್ಘ ಸೇವೆಯ ಬಳಿಕ ಭಾರತ್ ಬ್ಯಾಂಕ್ ಉಪ ಶಾಖಾ ಪ್ರಬಂಧಕಿ ಶೋಭಾ ಎಸ್. ಸುವರ್ಣ ನಿವೃತ್ತಿ





















ಬೆಂಗಳೂರು: ಭಾರತ್ ಬ್ಯಾಂಕ್‌ನ ಬೆಂಗಳೂರು ಕೆ.ಎಚ್. ರಸ್ತೆಯ ಶಾಖೆಯಲ್ಲಿ ಉಪ ಶಾಖಾ ಪ್ರಬಂಧಕಿಯಾಗಿ ಸೇವೆ ಸಲ್ಲಿಸುತ್ತಿದ್ದ ಶ್ರೀಮತಿ ಶೋಭಾ ಎಸ್. ಸುವರ್ಣ ಅವರು 38 ವರ್ಷಗಳ ಸುದೀರ್ಘ ಸೇವೆಯ ಬಳಿಕ ಸೆಪ್ಟೆಂಬರ್ 30, 2026ರಂದು ನಿವೃತ್ತರಾದರು.

ಮೂಲತಃ ಮುಂಬಯಿಯ ಸಾಯನ್ ಕೋಳಿವಾಡ ನಿವಾಸಿಯಾಗಿದ್ದ ಶೋಭಾ ಎಸ್. ಸುವರ್ಣ ಅವರು ತಮ್ಮ ವೃತ್ತಿಜೀವನವನ್ನು ಭಾರತ್ ಬ್ಯಾಂಕಿನ ಚೆಂಬೂರು ಶಾಖೆಯಲ್ಲಿ ಆರಂಭಿಸಿದರು. ಬಳಿಕ ಬೆಂಗಳೂರಿಗೆ ವರ್ಗಾವಣೆಗೊಂಡು, ಬ್ಯಾಂಕಿನ ಬೆಂಗಳೂರಿನ ಹಲವು ಶಾಖೆಗಳಲ್ಲಿ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿದರು. ನಿವೃತ್ತಿಗೆ ಕೆಲವು ವರ್ಷಗಳ ಮೊದಲು ಉಪ ಶಾಖಾ ಪ್ರಬಂಧಕಿಯಾಗಿ ಬಡ್ತಿ ಪಡೆದು, ತಮ್ಮ ಜವಾಬ್ದಾರಿಯನ್ನು ಸಮರ್ಪಕವಾಗಿ ನಿರ್ವಹಿಸಿದರು.



















ಅವರ ನಿವೃತ್ತಿಯ ಅಂಗವಾಗಿ ನಡೆದ ಬೀಳ್ಕೊಡುಗೆ ಕಾರ್ಯಕ್ರಮದಲ್ಲಿ ಪ್ರಾದೇಶಿಕ ಮುಖ್ಯಸ್ಥ ನಾಗರಾಜ್ ಸುವರ್ಣ, ಶಾಖಾ ಪ್ರಬಂಧಕರುಗಳಾದ ಸುರೇಖಾ ಎಸ್. ಪೂಜಾರಿ, ರವಿಕುಮಾರ್, ಗೋಪಾಲ್ ಎನ್. ಪೂಜಾರಿ, ರವಿಶಂಕರ್ ಎನ್., ಅಭಿಜಿತ್ ಉಮೇಶ್, ಸಂದೀಪ್ ಶೆಟ್ಟಿ, ವಿಶಾಲ್ ವಿ. ಬಂಗೇರ, ಉಪ ಶಾಖಾ ಪ್ರಬಂಧಕರುಗಳಾದ ಸತೀಶ್ ಪಿ. ಪೂಜಾರಿ, ಪ್ರೀತಿ ನಾಯ್ಕ್, ಸಂಧ್ಯಾ ಸೂರ್ಯಕಾಂತ್, ಹರಿಣಾ ಸನಿಲ್, ಕಿರಣ್ ಪೂಜಾರಿ, ಅಜಯ್ ಭಟ್, ಅಧಿಕಾರಿಗಳಾದ ದಾಕ್ಷಾಯಣಿ ಅಮೀನ್, ಮೇಘನಾ ಅಶ್ವತ್ಥ್, ಅಕ್ಷಯ್ ಪೂಜಾರಿ, ಸುಜ್ಞೇಶ್ ಇಡ್ಯಾ, ಪ್ರದೀಪ್ ಕುಟ್ಟಿತಡ್ಕ, ಅಮಿತಾ ಪೂಜಾರಿ, ಶ್ವೇತಾ ಪೂಜಾರಿ, ಸ್ನೇಹಲ್ ಸಾಲ್ಯಾನ್, ಪ್ರಥಮ್ ಕುಮಾರ್ ಸೇರಿದಂತೆ ಬೆಂಗಳೂರಿನ ವಿವಿಧ ಶಾಖೆಗಳ ಸಿಬ್ಬಂದಿ ಉಪಸ್ಥಿತರಿದ್ದರು.

ಶೋಭಾ ಸುವರ್ಣ ಅವರ ಪತಿ ಸುರೇಶ್ ಡಿ. ಸುವರ್ಣ, ಪುತ್ರಿ ಸುರುಚಿ, ಸ್ನೇಹಿತರಾದ ಶ್ರೀ ಮತ್ತು ಶ್ರೀಮತಿ ವಿಜಯನಾಥ್ ಹೆಗ್ಡೆ ಹಾಗೂ ಬ್ಯಾಂಕಿನ ಮಾಜಿ ಅಧಿಕಾರಿ ಸುಜಾತಾ ಎಲ್. ಕುಂದರ್ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

ಸಂಧ್ಯಾ ಸೂರ್ಯಕಾಂತ್ ಸ್ವಾಗತಿಸಿದರು. ಈ ಸಂದರ್ಭದಲ್ಲಿ ಸಹೋದ್ಯೋಗಿಗಳು ಹಾಗೂ ಸ್ನೇಹಿತರು ಶೋಭಾ ಎಸ್. ಸುವರ್ಣ ಅವರ ದೀರ್ಘಕಾಲದ ಸೇವೆಯನ್ನು ಸ್ಮರಿಸಿ, ನಿವೃತ್ತ ಜೀವನ ಸುಖ-ಸಮೃದ್ಧಿಯಿಂದ ಕೂಡಿರಲಿ ಎಂದು ಶುಭ ಹಾರೈಸಿದರು. ಸುರೇಖಾ ಎಸ್. ಪೂಜಾರಿ ವಂದಿಸಿದರು. ಬೀಳ್ಕೊಡುಗೆ ಕಾರ್ಯಕ್ರಮದ ಆಯೋಜನೆಯಲ್ಲಿ ಸತೀಶ್ ಎಲ್. ಸುವರ್ಣ, ಸುದೇಶ್ ಸುವರ್ಣ ಹಾಗೂ ಇತರರು ಮುತುವರ್ಜಿ ವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

ವರದಿ: ಜಯ ಸಿ. ಪೂಜಾರಿ ಕೆಳಾರ್ಕಳಬೆಟ್ಟು



Related posts

ರಾಷ್ಟ್ರ, ಕರ್ನಾಟಕ ಮತ್ತು ಮಹಾರಾಷ್ಟ್ರದ ಇಂದಿನ ಸಂಕ್ಷಿಪ್ತ ಮುಖ್ಯಾಂಶಗಳು

Mumbai News Desk

ಬೊಂಡಾಲ ಬಯಲಾಟ ಸುವರ್ಣ ಸಂಭ್ರಮ ಕರೆಯೋಲೆ ಬಿಡುಗಡೆ

Mumbai News Desk

ಜಾಗತಿಕ, ರಾಷ್ಟ್ರೀಯ, ರಾಜ್ಯ ಮತ್ತು ಮುಂಬೈ, ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆಯ ಇಂದಿನ (23/06/26)ಪ್ರಮುಖ ವಿದ್ಯಮಾನಗಳ ಸಂಕ್ಷಿಪ್ತ ಸುದ್ದಿ ಸಂಕಲನ

Mumbai News Desk

ಮುಲ್ಕಿ : ಟೆಂಪೋ ಡಿಕ್ಕಿಯಾಗಿ ಉದ್ಯಮಿ ಲಿಂಗಪ್ಪ ಶೆಟ್ಟಿ ನಿಧನ

Mumbai News Desk

ಜಾಗತಿಕ, ರಾಷ್ಟ್ರೀಯ, ರಾಜ್ಯ ಮತ್ತು ಮುಂಬೈ, ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆಯ ಇಂದಿನ (04/07/26)ಪ್ರಮುಖ ವಿದ್ಯಮಾನಗಳ ಸಂಕ್ಷಿಪ್ತ ಸುದ್ದಿ ಸಂಕಲನವಿಶ್ವ ಸುದ್ದಿ :

Mumbai News Desk

ಜಾಗತಿಕ, ರಾಷ್ಟ್ರೀಯ, ರಾಜ್ಯ ಮತ್ತು ಮುಂಬೈ, ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆಯ ಇಂದಿನ (11/06/26)ಪ್ರಮುಖ ವಿದ್ಯಮಾನಗಳ ಸಂಕ್ಷಿಪ್ತ ಸುದ್ದಿ ಸಂಕಲನ

Mumbai News Desk