November 21, 2026
Mumbai News Kannada
ಮುಂಬಯಿ

ವಿಜಯ ಕಾಲೇಜು ಮುಲ್ಕಿ ಜಾಗತಿಕ ಹಳೆವಿದ್ಯಾರ್ಥಿಗಳ ಸಂಘ, ಮುಂಬಯಿ ವಾರ್ಷಿಕ ಮಹಾಸಭೆ






















ಕಾಲೇಜಿನ ಅಭಿವೃದ್ಧಿಗೆ ಹಳೆ ವಿದ್ಯಾರ್ಥಿಗಳು ಸಹಕಾರ ನೀಡಬೇಕು:ಅಡ್ವೊಕೇಟ್ ಶೇಖರ್ ಭಂಡಾರಿ

ಮುಂಬಯಿ : ಮುಂಬೈ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಯ ಪ್ರತಿಷ್ಟಿತ ಹಳೆ ವಿದ್ಯಾರ್ಥಿ ಸಂಘ,ವಿಜಯ ಕಾಲೇಜು ಮುಲ್ಕಿ ಜಾಗತಿಕ ಹಳೆ ವಿದ್ಯಾರ್ಥಿ ಸಂಘ, ಮುಂಬಯಿ ಇದರ 5 ನೇ ವಾರ್ಷಿಕ ಸದಸ್ಯರ ಮಹಾಸಭೆ ಗೊರೆಗಾವ್ ಪೂರ್ವಾದ ನೆಸ್ಕೋ ದಲ್ಲಿರುವ ಬೈರೂತ್ ಹೋಟೆಲಿನಲ್ಲಿ ಸೆ 28, ಅಡ್ವೊಕೇಟ್ ಶೇಖರ್ ಭಂಡಾರಿ ಅವರ ಅಧ್ಯಕ್ಷತೆಯಲ್ಲಿ ನಡೆಯಿತು.



















ಕಾರ್ಯದರ್ಶಿ ಸಿಎ ರೋಹಿತಾಕ್ಷ ದೇವಾಡಿಗ ಅವರು ವಾರ್ಷಿಕ ವರದಿಯನ್ನ ಮಂಡಿಸಿದರು.
ಖಜಾಂಜಿ ಸರಿತಾ ರಾವ್ ಅವರು ವಾರ್ಷಿಕ ಲೆಕ್ಕಪತ್ರ ಗಳನ್ನು ಮಂಡಿಸಿದರು.
ಉಪಾಧ್ಯಕ್ಷ ಭಾಸ್ಕರ್ ಶೆಟ್ಟಿ ಅವರು ಸಂಘದ ಮುಂದಿನ ವಿವಿಧ ಉದ್ದೇಶಗಳನ್ನು ಸಭಿಕರ ಮುಂದೆ ಇಟ್ಟರು.
ಅಧ್ಯಕ್ಷ ಅಡ್ವೊಕೇಟ್ ಶೇಖರ್ ಭಂಡಾರಿ ಅವರು ಮಾತನಾಡುತ್ತ, ಸಂಘ ಪ್ರತಿವರ್ಷವೂ ತನ್ನ ಕಾಲೇಜಿಗೆ ಬಡವಿದ್ಯಾರ್ಥಿಗಳ ವಿದ್ಯಾರ್ಜನೆಯ ನೆರವಿಗಾಗಿ 5 ಲಕ್ಷ ರೂಪಾಯಿ ಯನ್ನು ಕೊಡುತ್ತಾ ಬರುತ್ತಿದೆ.
ಮುಂದಿನ ವರ್ಷಗಳಲ್ಲಿ, ಕಾಲೇಜಿನಲ್ಲಿ ಕುಂದುತ್ತಿರುವ ವಿದ್ಯಾರ್ಥಿ ಸಂಖ್ಯೆಯನ್ನ ಹೆಚ್ಚಿಸುವ ವಿವಿಧ ರೂಪುರೇಖೆಗಳನ್ನ ಕಾಲೇಜಿನ ಆಡಳಿತ ಮಂಡಳಿ, ಊರಿನಲ್ಲಿರುವ ಹಳೆವಿದ್ಯಾರ್ಥಿ ಸಂಘದ ಪದಾಧಿಕಾರಿಗಳೊಂದಿಗೆ ಚರ್ಚಿಸುವ ಉದ್ದೇಶವನ್ನು ಮಾಡಬೇಕು ಎಂದರು.
ಸಭೆಯಲ್ಲಿ ಕಾಲೇಜಿನ ಹೆಚ್ಚಿನ ಬಡವಿದ್ಯಾರ್ಥಿಗಳಿಗೆ ಸಹಾಯ ಮಾಡುವ ಉದ್ದೇಶದಿಂದ,ಮತ್ತು ಕಲಿಸುವ ಉಪನ್ಯಾಸಕರಿಗೆ ಪ್ರೊಸ್ತಾವ ನೀಡುವುದಕ್ಕಾಗಿ ಸಂಘದ ಧನ ಸಂಗ್ರಹದ ಸಮಿತಿಯನ್ನು ರಚಿಸಲಾಯಿತು ವಾಸುದೇವ ಸಾಲಿಯಾನ್ ಅವರು ಧನ ಸಂಗ್ರಹ ಸಮಿತಿಯ ಅಧ್ಯಕ್ಷರಾಗಿಯೂ ಹಾಗು ಭಾಸ್ಕರ್ ಶೆಟ್ಟಿ ಅವರನ್ಮು ಉಪಾಧ್ಯಕ್ಷರಾಗಿಯೂ ನೇಮಕ ಮಾಡಲಾಯಿತು.

ಗೌರವ ಅಧ್ಯಕರಾದ ವಾಸುದೇವ ಸಾಲಿಯಾನ್ ಅವರು ಮಾತನಾಡುತ್ತಾ ಸಂಘವು ಕಾಲೇಜಿನ ವಿದ್ಯಾರ್ಥಿ ಸಂಖ್ಯೆ ಕಡಿಮೆಯಾಗುವುದು ಚಿಂತಾಜನಕ ವಿಷಯ.ಅದಕ್ಕಾಗಿ ಸಂಘವು ನಮ್ಮ ಕಾಲೇಜಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಬಡ ವಿದ್ಯಾರ್ಥಿಗಳನ್ನು ಸೇರಿಸಲು ಮೆರಿಟ್ ಅಂಕಗಳ ಲಕ್ಷ್ಮಣರೇಖೆಯನ್ನು ತೆಗೆದುಹಾಕಿದೆ.ಮುಂದಿನ ವರ್ಷಗಳಲ್ಲಿ ಕಾಲೇಜಿಗೆ ಹೆಚ್ಚಿನ ಸಹಾಯಧನ ಕೊಡುವ ಉಪಾಯವನ್ನ ಮಾಡುತ್ತಿದೆ ಎಂದರು.

ಸಂಘದ ಸ್ಥಾಪಕ ಅಧ್ಯಕ್ಷ ರಾದ ಶಿರ್ವ ನಿತ್ಯಾನಂದ ಹೆಗ್ಡೆ ಅವರು ಮಾತನಾಡಿ,ನಾವು ಕಲಿತ ಕಾಲೇಜನ್ನು ಹಳೆವಿದ್ಯಾರ್ಥಿಗಳು ಮರೆಯಬಾರದು ಮತ್ತು ಕಾಲೇಜಿನಲ್ಲಿ ಕಲಿತ ಎಲ್ಲಾ ಹಳೆವಿದ್ಯಾರ್ಥಿಗಳು ತನಗೆ ಸಾಧ್ಯವಿದ್ದಷ್ಟು ಸಂಘಕ್ಕೆ ಅನುದಾನ ಮಾಡಬೇಕು, ನಮ್ಮಕಾಲೇಜಿನ ಹೆಸರನ್ನು ಉಳಿಸಬೇಕು ಎಂದರು.
ಲಾವರೆನ್ಸ್ ಡಿಸೋಜಾ ಮಾತನಾಡಿ ನಾವು ಮುಂದಿನ ತಿಂಗಳಲ್ಲಿ ಮಾಡುವ ಅಡ್ವೈಸರಿ ಬೋರ್ಡ್ ಮೀಟಿಂಗೆಗೆ ಎಲ್ಲಾ ಬೋರ್ಡ್ ಸದಸ್ಯರು ಹಾಜರಿ ಇರಬೇಕು ಹಾಗು ಸಹಾಯ ಹಸ್ತವನ್ನ ನೀಡಬೇಕು ಎಂದರು.
ಪೂರ್ವ ಅಧ್ಯಕ್ಷರಾದ ಸಿಎ ಸೋಮನಾಥ್ ಕುಂದರ್ ಹಾಗು ಆನಂದ್ ಶೆಟ್ಟಿ ಮತ್ತು ಕೆ ಎನ್ ಸುವರ್ಣ,ಸಿಎ ಕಿಶೋರ್ ಸುವರ್ಣ,ಗುಣೇಶ್ ಶೆಟ್ಟಿ,ಪೇಟೆಮನೆ ಪ್ರಕಾಶ್ ಶೆಟ್ಟಿ, ಅವರು ತಮ್ಮ ತಮ್ಮ ಅನಿಸಿಕೆಗಳನ್ನು ಸಭೆಯ ಮುಂದೆ ಇಟ್ಟರು.
ಸಭೆಯಲ್ಲಿ ಶಿರ್ವ ನಿತ್ಯಾನಂದ ಹೆಗ್ಡೆ,ಪೇಟೆಮನೆ ಪ್ರಕಾಶ್ ಶೆಟ್ಟಿ ಹಾಗು ಸುನಿಲ್ ಶೆಟ್ಟಿ ಇವರನ್ನ ಮ್ಯಾನೇಜಿಂಗ್ ಕಮಿಟಿ ಗೆ ಆಯ್ಕೆ ಮಾಡಲಾಯಿತು.
ಸಭೆಯಲ್ಲಿ ಸದಸ್ಯರಾದ ಜೀತೇಂದ್ರ ಶೆಟ್ಟಿ,ಶಂಕರ್ ಸುವರ್ಣ, ಉಷಾ ಶೇಖರ್,ಸ್ವರ್ಣ ಜ್ಯೋತಿ ಮತ್ತು ಹಲವರು ಉಪಸ್ಥಿತರಿದ್ದರು.

ಉಪ ಅಧ್ಯಕ್ಷ ಭಾಸ್ಕರ್ ಶೆಟ್ಟಿ ಅವರ ಧನ್ಯವಾದಗಳೊಂದಿಗೆ ಸಭಾ ಕಾರ್ಯಕ್ರಮ ಮುಕ್ತಾಯಗೊಂಡಿತು.



Related posts

ಪಡುಬಿದ್ರಿ ನಡಿಪಟ್ಣ ಮೊಗವೀರ ಸಭಾ ಮುಂಬಯಿ ಇದರ 138ನೇ ವಾರ್ಷಿಕ ಮಹಾಸಭೆ

Mumbai News Desk

ಜಗಜ್ಯೋತಿ ಕಲಾ ವೃಂದ, ಡೊಂಬಿವಲಿ: 39ನೇ ವಾರ್ಷಿಕ ಮಹಾಸಭೆ

Mumbai News Desk

ಚಾರ್ಕೋಪ್ ಕನ್ನಡಿಗರ ಬಳಗದ ರಜತ ಮಹೋತ್ಸದ ಸಂಭ್ರಮ ಉದ್ಘಾಟನೆ

Mumbai News Desk

ಗೋರೆಗಾಂವ್ ಕರ್ನಾಟಕ ಸಂಘದ 63ನೇ ನಾಡಹಬ್ಬ ಸಮಾರಂಭಕ್ಕೆ ಚಾಲನೆ ,ಕೃತಿ ಲೋಕಾರ್ಪಣೆ,

Mumbai News Desk

ಬೋಂಬೆ ಬಂಟ್ಸ್  ಎಸೋಸಿಯೇಶನ್  ವತಿಯಿಂದ ಮಾಜಿ  ಅಧ್ಯಕ್ಷರಾದ ಜಯ ಎನ್ ಶೆಟ್ಟಿಯವರಿಗೆ ನುಡಿ ನಮನ .

Mumbai News Desk

ಕಟ್ಟಡ ನಿರ್ಮಾಣದ ನಿರ್ಲಕ್ಷ್ಯ: ‘ಜಸ್ಟೀಸ್ ಫಾರ್ ಸಂಸ್ಕೃತಿ’ಗಾಗಿ ಅಕ್ಟೋಬರ್ 12 ರಂದು ಬೃಹತ್ ಮೌನ ಪ್ರತಿಭಟನೆ

Mumbai News Desk