“ಜೆವಿಎಂ ವಿದ್ಯಾಲಯದಲ್ಲಿ ಶಿಕ್ಷಕರ ದಿನಾಚರಣೆ : ಅಧ್ಯಕ್ಷ ಶ್ರೀ. ವಿ. ಎನ್. ಹೆಗ್ಡೆ ಅವರು ಶಿಕ್ಷಕರಿಗೆ ತಂತ್ರಜ್ಞಾನ ಪ್ರಾವಿಣ್ಯತೆ ಪಡೆಯಲು ಕರೆ.”

ಐರೋಲಿ : ಜ್ಞಾನ ವಿಕಾಸ ಮಂಡಲದ ಎಲ್ಲ ಶಿಕ್ಷಕರಿಗಾಗಿ ಶಿಕ್ಷಕರ ದಿನಾಚರಣೆ 2025ರ ಸೆಪ್ಟೆಂಬರ್ 9 ರಂದು ಮೆಹ್ತಾ ಮಹಾವಿದ್ಯಾಲಯದ ವಿಶಾಲ ಸಭಾಂಗಣದಲ್ಲಿ ಆಯೋಜಿಸಲಾಗಿತ್ತು. ಈ ಸಂದರ್ಭದಲ್ಲಿ ಜ್ಞಾನ ವಿಕಾಸ ಮಂಡಳಿಯ ಅಧ್ಯಕ್ಷರಾದ ಶ್ರೀ. ವಿ.ಎನ್. ಹೆಗ್ಡೆ ಅವರು ಹೊಸ ಶಿಕ್ಷಣ ನೀತಿಯ ಅರ್ಥ ತಿಳಿದುಕೊಳ್ಳಲು ಮತ್ತು ಬದಲಾಯುತ್ತಿರುವ ಕಾಲದೊಂದಿಗೆ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳಲು ಶಿಕ್ಷಕರಿಗೆ ಸಲಹೆ ನೀಡಿದರು. ಅವರು “ಶಿಕ್ಷಕ”, “ಗುರು” ಮತ್ತು “ಆಚಾರ್ಯ” ಎಂಬ ಪದಗಳ ನಡುವಿನ ಭೇದವನ್ನು ಸ್ಪಷ್ಟಪಡಿಸಿ, ಅವರ ಜೀವನದಲ್ಲಿನ ಮಹತ್ವವನ್ನು ವಿವರಿಸಿದರು.

ಈ ಸಂದರ್ಭದಲ್ಲಿ ಜ್ಞಾನ ವಿಕಾಸ ಮಂಡಳದ ಸಹ ಕಾರ್ಯದರ್ಶಿ ಶ್ರೀ. ಜಾನ್ ಪಿ.ಥಾಮಸ್, ಕಾರ್ಯಕಾರಿ ಮಂಡಳಿಯ ಸದಸ್ಯರು ಶ್ರೀ. ಸತೀಶ ಖಿಲ್ಲಾರಿ, ಶ್ರೀ. ಆರ್.ಜೆ. ಪಾಟೀಲ್, ಸಂಸ್ಥೆಯ ಸದಸ್ಯರಾದ ಶ್ರೀ. ಶಿವಾಜಿ ಪುರಿ, ಮೆಹ್ತಾ ಮಹಾವಿದ್ಯಾಲಯದ ಪ್ರಾಚಾರ್ಯ ಡಾ. ಬಿ.ಆರ್. ದೇಶಪಾಂಡೆ, ನ್ಯೂ ಇಂಗ್ಲಿಷ್ ಸ್ಕೂಲ್‌ ನ ಪ್ರಾಚಾರ್ಯೆ ಸೌ. ಸೀಜಾ ವರ್ಗೀಸ್ ಮತ್ತು ಉಪಪ್ರಾಚಾರ್ಯೆ ಸೌ. ನೇತ್ರಾ ಗಾಂವ್ಕರ್ ಉಪಸ್ಥಿತರಿದ್ದರು.

ಕಾರ್ಯಕ್ರಮದ ಆರಂಭ ದೀಪ ಪ್ರಜ್ವಲನೆ ಮತ್ತು ಮಹಾವಿದ್ಯಾಲಯದ ಪ್ರಾರ್ಥನೆಯೊಂದಿಗೆ ನಡೆಯಿತು. ಪ್ರಾಚಾರ್ಯ ಡಾ. ಬಿ.ಆರ್. ದೇಶಪಾಂಡೆ ಅವರು ಎಲ್ಲಾ ಅತಿಥಿಗಳು ಮತ್ತು ಸಿಬ್ಬಂದಿಗಳಿಗೆ ಆತ್ಮೀಯ ಸ್ವಾಗತ ನೀಡಿ ಶಿಕ್ಷಕರ ದಿನದ ಶುಭಾಶಯಗಳನ್ನು ಹೇಳಿದರು. ನ್ಯೂ ಇಂಗ್ಲಿಷ್ ಸ್ಕೂಲ್‌ನ ಪ್ರಾಚಾರ್ಯೆ ಸೌ. ಸೀಜಾ ವರ್ಗೀಸ್ ಅವರು ಭಾರತೀಯ ಮತ್ತು ಜಾಗತಿಕ ಗಣ್ಯ ಗುರುಗಳ ಚಿಂತನೆಯನ್ನು ಪ್ರಸ್ತುತಪಡಿಸಿದರು. ಸಂಸ್ಥೆಯ ಸದಸ್ಯರಾದ ಶ್ರೀ. ಪುರಿ ಅವರು ಜೆ.ವಿ.ಎಂ. ಶಿಕ್ಷಣ ಸಂಸ್ಥೆಯ ಸಂಕ್ಷಿಪ್ತ ಪಯಣವನ್ನು ವಿವರಿಸಿ, ಜೀವನದಲ್ಲಿ ಶಿಕ್ಷಕರ ಪಾತ್ರದ ಮಹತ್ವವನ್ನು ವಿವರಿಸಿದರು. ಸಹ ಕಾರ್ಯದರ್ಶಿ ಶ್ರೀ. ಜಾನ್ ಪಿ.ಥಾಮಸ್ ಅವರು “Teacher” ಎಂಬ ಪದದ ಆರ್ಥವನ್ನು ವಿವರವಾಗಿ ವಿವರಿಸಿ, ಶಿಕ್ಷಕರಲ್ಲಿ ಆ ಗುಣಗಳನ್ನು ಅಳವಡಿಸಿಕೊಳ್ಳುವ ಸಲಹೆ ನೀಡಿದರು.

ಜ್ಞಾನ ಅಭಿವೃದ್ಧಿ ಸಂಸ್ಥೆಯಲ್ಲಿ 5, 10, 15, 20 ಮತ್ತು 25 ವರ್ಷಗಳ ಸೇವೆ ಸಲ್ಲಿಸಿದ ಶಿಕ್ಷಕರಿಗೆ ಹಾಗೂ ಬೋಧೇತರ ಸಿಬ್ಬಂದಿಗಳಿಗೆ ಬಹುಮಾನ, ಪ್ರಮಾಣಪತ್ರ ಮತ್ತು ಪುಷ್ಪಗುಚ್ಛ ನೀಡಿ ಸನ್ಮಾನಿಸಲಾಯಿತು. 10ನೇ ತರಗತಿ ಮತ್ತು ಉಚ್ಚ ಮಾಧ್ಯಮಿಕ ತರಗತಿ, ಪದವಿ ಮತ್ತು ಸ್ನಾತಕ ಪದವಿಯಲ್ಲಿ ಶೈಕ್ಷಣಿಕ ಶೇಕಡಾ 100 ಫಲಿತಾಂಶ ನೀಡಿದ ಶಿಕ್ಷಕರಿಗೂ ಸನ್ಮಾನ ನೀಡಲಾಯಿತು. ಜೊತೆಗೆ 2024-25ನೇ ಶೈಕ್ಷಣಿಕ ವರ್ಷದ ಅತ್ಯುತ್ತಮ ಶಿಕ್ಷಕರ ಪ್ರಶಸ್ತಿಗಳನ್ನೂ ಪ್ರದಾನಿಸಲಾಯಿತು.

ಜೆ.ವಿ ಎಂ. ಮೆಹ್ತಾ ಪದವಿ ಮಹಾವಿದ್ಯಾಲಯದ ಅರ್ಥಶಾಸ್ತ್ರ ಪ್ರಾಧ್ಯಾಪಕಿ ಪ್ರೇಮಾ ಬರ್ಧನ್ ಮತ್ತು ಕಿರಿಯ ಮಹಾವಿದ್ಯಾಲಯ ವಿಭಾಗದ ಸೌ. ಮಂಗಳ ಕಾತ್ಕರ್ ಅವರಿಗೆ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ದೊರೆಯಿತು. ಕಲಾವಾದ ಜ್ಞಾನ ವಿಕಾಸ ಮಂಡಳದ ನ್ಯೂ ಇಂಗ್ಲಿಷ್ ಸ್ಕೂಲ್ ಹಾಗು ಕಿರಿಯ ಮಹಾವಿದ್ಯಾಲಯದ ಪ್ರಾಥಮಿಕ ಶಾಲೆಯ ಸೌ. ವೈಷ್ಣವಿ ಚೂನೆಕರ್, ಪ್ರೌಢ ಶಾಲೆಯ ಸೌ. ಪ್ರಜ್ಞಾ ಪಾಟೀಲ್ ಮತ್ತು ಕಿರಿಯ ಮಹಾವಿದ್ಯಾಲಯ ವಿಭಾಗದ ಸೌ. ರಶ್ಮಿ ರಘುವಂಶಿ ಅವರು ಅತ್ಯುತ್ತಮ ಶಿಕ್ಷಕರಾಗಿ ಗೌರವಿಸಲ್ಪಟ್ಟರು. ಮಹಾವಿದ್ಯಾಲಯದ ವಿದ್ಯಾರ್ಥಿ ಒಕ್ಕೂಟದ ಕಾರ್ಯದರ್ಶಿ ಆಕರ್ಷಣ ಹಾಗು ಪ್ರತಿನಿಧಿಗಳು ಕಾರ್ಯಕ್ರಮ ನಿರ್ವಹಿಸಿದರು.
ರಾಷ್ಟ್ರಗೀತದೊಂದಿಗೆ ಕಾರ್ಯಕ್ರಮ ಸಮಾಪ್ತಿಯಾಯಿತು.