ಕಾಪು: ಇಲ್ಲಿನ ಪ್ರಸಿದ್ಧ ಧಾರ್ಮಿಕ ಕೇಂದ್ರವಾದ ಉಚ್ಚಂಗಿ ಸಹಿತ ಶ್ರೀ ಹೊಸ ಮಾರಿಗುಡಿ ದೇವಸ್ಥಾನದಲ್ಲಿ ಫೆಬ್ರವರಿ 28ರಿಂದ ಮಾರ್ಚ್ 2ರ ತನಕ ಶ್ರೀ ಮಾರಿಯಮ್ಮ ದೇವಿಯ ದಿವ್ಯ ಸಾನಿಧ್ಯದಲ್ಲಿ ಪ್ರಥಮ ವರ್ಷದ ‘ಪ್ರತಿಷ್ಠಾ ವರ್ಧಂತಿ ಮಹೋತ್ಸವ’ ಮತ್ತು ‘ಮಾತೃ ವೈಭವ’ ಕಾರ್ಯಕ್ರಮಗಳು ಅದ್ಧೂರಿಯಾಗಿ ಜರುಗಲಿವೆ.
ಕ್ಷೇತ್ರದ ಪ್ರಧಾನ ತಂತ್ರಿಗಳಾದ ಕೊರಂಗ್ರಪಾಡಿ ವಿದ್ವಾನ್ ಶ್ರೀ ಕೆ.ಪಿ. ಕುಮಾರಗುರು ತಂತ್ರಿಗಳ ನೇತೃತ್ವದಲ್ಲಿ ಹಾಗೂ ಪ್ರಧಾನ ಅರ್ಚಕ ವೇ| ಮೂ| ಶ್ರೀ ಶ್ರೀನಿವಾಸ ತಂತ್ರಿಗಳ ಸಹಭಾಗಿತ್ವದಲ್ಲಿ ಈ ಧಾರ್ಮಿಕ ವಿಧಿವಿಧಾನಗಳು ನಡೆಯಲಿವೆ ಎಂದು ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ.
ಧಾರ್ಮಿಕ ಕಾರ್ಯಕ್ರಮಗಳ ವಿವರ:
- ಫೆಬ್ರವರಿ 28 (ಶನಿವಾರ): ಬೆಳಿಗ್ಗೆ 8:30ರಿಂದ ಸಾಮೂಹಿಕ ಪ್ರಾರ್ಥನೆ, ಸ್ವಸ್ತಿ ಪುಣ್ಯಾಹವಾಚನ, ಆರಣಿಮಥನ, 6 ಕಾಯಿ ಗಣಯಾಗ, ನವಗ್ರಹ ಹೋಮ, ಮೃತ್ಯುಪಂಚಕ ಪೂಜೆ ಮತ್ತು ‘ಶ್ರೀಚಂಡೀಪುರಶ್ಚರಣಮ್’ ನಡೆಯಲಿದೆ. ಸಂಜೆ 6ರಿಂದ ವಾಸ್ತುಹೋಮ, ವಾಸ್ತು ಪೂಜೆ ಹಾಗೂ ಸುದರ್ಶನ ರಕ್ಷಾಪಕ್ರಿಯೆ ಪೂಜೆಗಳು ಜರುಗಲಿವೆ.
- ಮಾರ್ಚ್ 1 (ಆದಿತ್ಯವಾರ): ಬೆಳಿಗ್ಗೆ 8ರಿಂದ ಶ್ರೀ ಸಪ್ತಮಾತೃಕಾ ಕಲ್ಪಮಹಾಯಾಗದೊಂದಿಗೆ ಸಪ್ತಮಾತೃಕಾ ಬಲಿದಾನ ಹಾಗೂ ಮಹಾಪೂರ್ಣಾಹುತಿ ನೆರವೇರಲಿದೆ. ಸಂಜೆ 6ಕ್ಕೆ ವನದುರ್ಗಾ ಮಂತ್ರಹೋಮ ಮತ್ತು ಯೋಗಿನೀಬಲಿ ಪೂಜೆಗಳು ನಡೆಯಲಿವೆ.
- ಮಾರ್ಚ್ 2 (ಸೋಮವಾರ): ಈ ದಿನದ ವಿಶೇಷವಾಗಿ ಬೆಳಿಗ್ಗೆ 6:15ರಿಂದ ಗದ್ದಿಗೆಯಲ್ಲಿ **‘ಶ್ರೀಚಕ್ರ ಯಂತ್ರೋದ್ಧಾರ’**ದೊಂದಿಗೆ ಶ್ರೀವಿದ್ಯಾ ಶ್ರೀಚಕ್ರಯಂತ್ರ ಪೂಜೆ, ದಿವ್ಯ ಶ್ರೀಚಕ್ರಯಂತ್ರ ದರ್ಶನ ಮತ್ತು ಖಡ್ಗಮಾಲಾ ಮಂತ್ರ ಹೋಮ ನಡೆಯಲಿದೆ. ಬೆಳಿಗ್ಗೆ 11ಕ್ಕೆ ಶ್ರೀಯಂತ್ರ ಪ್ರಸನ್ನ ಪೂಜೆ, ಸಂಜೆ 5ರಿಂದ ಚತುಷಷ್ಠಿ ಉಪಚಾರ ಪೂಜೆ, ಅಷ್ಟಾವಧಾನ ಸೇವಾ ಮಹಾಪೂಜೆ ಹಾಗೂ ಗದ್ದಿಗೆಯಲ್ಲಿ ಶ್ರೀಚಕ್ರ ಯಂತ್ರದ ಮರುಸ್ಥಾಪನೆ ನೆರವೇರಲಿದೆ.
- ಫೆ. 28: ರಾತ್ರಿ 8ಕ್ಕೆ ‘ಝೀ ಕನ್ನಡ ಸರಿಗಮಪ’ ಖ್ಯಾತಿಯ ವಿದ್ವಾನ್ ಯಶವಂತ್ ಎಂ.ಜಿ. ಮತ್ತು ಬಳಗದಿಂದ ‘ಗಾನ ವೈಭವ’.
- ಮಾ. 1: ರಾತ್ರಿ 8ಕ್ಕೆ ಕಾಪು ಅಮ್ಮನ ಮಕ್ಕಳ ತಂಡ (ಪುಣೆ ಘಟಕ)ದಿಂದ ‘ಸಿಂಧೂರ’ ನೃತ್ಯ ರೂಪಕ, ರಾತ್ರಿ 8:30ಕ್ಕೆ ಸಾಯಿಶಕ್ತಿ ಕಲಾ ಬಳಗದಿಂದ ತುಳು ಭಕ್ತಿ ಪ್ರಧಾನ ನಾಟಕ.
- ಮಾ. 2: ರಾತ್ರಿ 8ಕ್ಕೆ ಬೈಲೂರು ಚೈತನ್ಯ ಕಲಾವಿದರಿಂದ ‘ರಾಘು ಮಾಸ್ಟು’ ತುಳು ಹಾಸ್ಯ ನಾಟಕ.
