ತುಲು ವೆರೆ ಕಲಾ ಟ್ರಸ್ಟ್ (ರಿ) ಬೊಂಬಾಯಿ* ಘಟಕದ ವರ್ಸೋಚ್ಚಾ ಯ ಆಗಸ್ಟ್ 30 ಗ್ _’ತುಲು ವೆರೆ ಕಲತೋಚ್ಚಯ’ (ಬೊಂಬಾಯಿದ ತುಲು ಐಸಿರ)_ಪನ್ಪಿ ತುಲು ಸಾಂಸ್ಕೃತಿಕ ಕಾರ್ಯಕ್ರಮ ಅಚ್ಚುಕಟ್ಟಾದ್ ನಡಪರೆ ಉಂಡು.
ಮಹಾರಾಷ್ಟ್ರದ ಡೊಂಬಿವಲಿ ಪಡ್ಡಾಯಿದ ಪ್ರೀತಿ ಬ್ಯಾಂಕ್ವೆಟ್ ಹಾಲ್ಡ್ ಆಗಸ್ಟ್ 30 ಆಯಿತಾರದಾನಿ ಬಯ್ಯ 3 ಗಂಟೆರ್ದ್ ರಾತ್ರೆ 8 ಗಂಟೆ ಮುಟ್ಟ ನಡಪುನ ಈ ಕಾರ್ಯಕ್ರಮೊಡು ಸಾಂಸ್ಕೃತಿಕ ರಂಗೊದ ಪುಗಾರ್ತೆದ ಸಾಹಿತಿಲು ಬೊಕ್ಕ ಕಲಾಭಿಮಾನಿಲು ಪಾಲ್ ಪಡೆಯರೆ ಉಲ್ಲೆರ್.
ಉದಿಪನೆ ಬೊಕ್ಕ ಗುರ್ಕಾರ್ಮೆ:
ಬಂಟರ ಸಂಘ ಡೊಂಬಿವಲಿ ಸಮಿತಿದ ಪೊಂಜೊವ್ಲೆನ ಎಗ್ಗೆದ ಮಾಜಿ ಗುರ್ಕಾರ್ಲಾಯಿನ ಶ್ರೀಮತಿ ಕೃಷ್ಣಿ ಮುರಳಿ ಶೆಟ್ಟಿ ಮೇರ್ ಈ ಗೌಜಿದ ಲೇಸ್ ನ್ ತುಡರ್ ಅರ್ಲಾದ್ ಉದಿಪನ ಮಲ್ಪರುಲ್ಲೆರ್
ತುಳುವೆರೆ ಕಲಾ ಟ್ರಸ್ಟ್ (ರಿ) ಮಂಗಳೂರುದ ಸ್ಥಾಪಕ ಗುರ್ಕಾರ್ದಿ ಶ್ರೀಮತಿ ಗೀತಾ ಲಕ್ಷ್ಮೀಶ್ ಮೇರೆನ ಮುಂದಾಳತ್ವಡ್
ತುಳುವೆರೆ ಕಲಾ ಟ್ರಸ್ಟ್ (ರಿ) ಬೊಂಬಾಯಿ ಘಟಕದ ಗುರ್ಕಾರ್ದಿ ಶ್ರೀಮತಿ ಪ್ರಫುಲ್ಲ ದಿನೇಶ್ ಶೆಟ್ಟಿ ಪಡುಕುಡೂರ್ ಮೇರೆನ ಗುರ್ಕಾರ್ಮೆಡ್ ಗೌಜಿ ಗಮ್ ಜಲ್ಡ್ ಈ ಲೇಸ್ ನಡಪರೆ ಉಂಡು.
ಮಲ್ಲ ಬಿನ್ನೆರ್
ಈ ಸಂಭ್ರಮದ ಲೇಸ್ ಗ್ ಕರ್ನಾಟಕ ಸಂಘ ಡೊಂಬಿವಲಿದ ಗುರ್ಕಾರ್ಲಾಯಿನ ಡಾ|| ದಿವಾಕರ್ ಟಿ. ಶೆಟ್ಟಿ ಇಂದ್ರಾಳಿ,ಶಿಕ್ಷಣ ಬೊಕ್ಕ ಸಮಾಜ ಕಲ್ಯಾಣ ಸಮಿತಿ ಬಂಟರ ಸಂಘ ಕುರ್ಲಾ ಮುಂಬೈದ ಒತ್ತು ಗುರ್ಕಾರ್ಲು ಶ್ರೀ ಸುಬ್ಬಯ್ಯ ಎ. ಶೆಟ್ಟಿ, ಹೈಕೋರ್ಟ್ ಮುಂಬೈದ ನ್ಯಾಯವಾದಿ ಶ್ರೀ ರಾಮಣ್ಣ ಎಂ. ಭಂಡಾರಿ, ಬಂಟರ ಸಂಘ ಡೊಂಬಿವಲಿ ಸಮಿತಿದ ಶಿಕ್ಷಣ ಬೊಕ್ಕ ಸಮಾಜ ಕಲ್ಯಾಣ ಸಮಿತಿದ ಗುರ್ಕಾರ್ಲಾಯಿನ ಶ್ರೀ ಅರುಣ್ ಎಸ್. ಶೆಟ್ಟಿ ಪಡುಕುಡೂರು, ಉದ್ಯಮಿ ಬೊಕ್ಕ ಸಮಾಜ ಸೇವಕೆ ಶ್ರೀ ಹರೀಶ್ ಎಸ್. ಶೆಟ್ಟಿ ಪಡುಕುಡೂರು,
ಅಂಚೆನೇ, ‘ಛಾಯಾ ಕಿರಣ’ ಮಾಸ ಪತ್ರಿಕೆದ ಸಂಯೋಜಕೆರಾಯಿನ ಶ್ರೀ ಕುಂಠಿನಿ ಪ್ರಕಾಶ್ ಹೆಗ್ಡೆ, ಸಿರಿನಾಡ್ ವೆಲ್ಫೇರ್ ಅಸೋಸಿಯೇಷನ್ ಡೊಂಬಿವಲಿದ ಪೊಂಜೊವ್ಲೆನ ಎಗ್ಗೆದ ಗುರ್ಕಾರ್ದಿ ಶ್ರೀಮತಿ ಉದಯ ಜೆ . ಶೆಟ್ಟಿ, ಭ್ರಾಮರಿ ಯಕ್ಷ ನೃತ್ಯ ಕಲಾ ನಿಲಯ ಚಾರಿಟೇಬಲ್ ಟ್ರಸ್ಟ್ (ರಿ) ಮುಂಬೈದ ಗುರ್ಕಾರ್ದಿ ಶ್ರೀಮತಿ ಮಂಜುಳಾ ಎಸ್. ಶೆಟ್ಟಿ, ಬಂಟರ ಸಂಘ ಡೊಂಬಿವಲಿ ಸಮಿತಿದ ಒತ್ತು ಕಾರ್ಯಾoತೆರ್ ಶ್ರೀ ಜಯಂತ್ ಶೆಟ್ಟಿ, ಆದಿಶಕ್ತಿ ಕನ್ನಡ ಸಂಘ ಮಾಜಿವಾಡ ಥಾಣೆದ ಮಾಜಿ ಗುರ್ಕಾರ್ಲು ಶ್ರೀ ಶಂಕರ್ ಶೆಟ್ಟಿ, ಹೋಟೆಲ್ ಉದ್ಯಮಿ ಬೊಕ್ಕ ಸಮಾಜ ಸೇವಕೆ ಶ್ರೀ ಪ್ರಸನ್ನ ಎಸ್. ಶೆಟ್ಟಿ ಬೆಳ್ಳಂಪಳ್ಳಿ ಕುಕ್ಕಿಕಟ್ಟೆ ಮೊಕುಲು ಬಿನ್ನೆರಾದ್ ಪಾಲ್ ಪಡೆಯರೆ ಉಲ್ಲೆರ್.
‘ಕಲತ ಬೊಳ್ಳಿ’ ಗೌರವ ಬೊಕ್ಕ ಬೂಕು ಬಿಡುಗಡೆ:
ಕಾರ್ಯಕ್ರಮದ ವಿಶೇಷ ಆಕರ್ಷಣೆಯಾದ್ ಸಾಹಿತ್ಯ ಬೊಕ್ಕ ರಂಗ ಕಲಾವಿದೆರಾಯಿನ ಶ್ರೀ ಎಚ್ಚೆ ನಯನಾಡ್ ಬೊಕ್ಕ ಸಾಹಿತಿ ಬೊಕ್ಕ ಸಂಘಟಕೆರಾಯಿನ ಶ್ರೀಮತಿ ಕುಮುದಾ ಡಿ. ಶೆಟ್ಟಿ ಮೆರೆಗ್ ‘ಕಲತ ಬೊಳ್ಳಿ’ ತಮ್ಮನ-ಬಲ್ಮನ ನಡಪರೆ ಉಂಡು.
ಈ ಸಂದರ್ಭೊಡು
ಶ್ರೀಮತಿ ಪ್ರಫುಲ್ಲ ದಿನೇಶ್ ಶೆಟ್ಟಿ ಪಡುಕುಡೂರು ಮೆರೆನ ತುಲು ಕಬಿತೆಲೆನ ಗೊಂಚಿಲ್ _ಪೊಲ್ಲೆಕ್ಕನ ಅಜಕೆ ಬೊಕ್ಕ ಶ್ರೀಮತಿ ಶೋಭಾ ಎಸ್. ಶೆಟ್ಟಿ ನೆಲ್ಲಿದಡಿಗುತ್ತು ಮೆರೆನ _ಮಾಯದ ತುಡರ್’ ಪನ್ಪಿ ತುಲು ಕಬಿತೆಲೆನ ಬೂಕು ಬುಡುಗಡೆ ಆಯೆರೆ ಉಂಡು.
ಪೊಲ್ಲೆಕ್ಕನ ಅಜಕೆ ಬೂಕುಗು ಮುಂಬೈ ವಿಶ್ವವಿದ್ಯಾಲಯ ಕಲಿನಾ, ಸಾಂತಾಕ್ರೂಜ್ ಕನ್ನಡ ವಿಭಾಗದ ಸಹ ಪ್ರಾಧ್ಯಾಪಕಿ ಡಾ|| ಪೂರ್ಣಿಮಾ ಎಸ್. ಶೆಟ್ಟಿ ಮೇರ್ ಮುನ್ನುಡಿ ಬೊಕ್ಕ ಕಾರ್ಕಳ ಭುವನೇಂದ್ರ ಕಾಲೇಜಿದ ಪ್ರಾಧ್ಯಾಪಕಿ ಡಾ|| ಮಾಲತಿ ಜಿ. ಪೈ ಮೇರ್ ಬೆನ್ನುಡಿ ಬರೆತೆರ್ . ಕೃತಿ ಪರಿಚಯೊನು ಶ್ರೀ ಸೂರಿ ಮಾರ್ನಾಡ್ ಮೇರ್ ಮಲ್ಪರುಲ್ಲೆರ್
_ಮಾಯದ ತುಡರ್ ಬೂಕುಗು ಮುನ್ನುಡಿನ್ ಶಿಮಂತೂರು ಚಂದ್ರಹಾಸ ಸುವರ್ಣ ಬೊಕ್ಕ ಬೆನ್ನುಡಿನ್ ಡಾ|| ಕರುಣಾಕರ ಶೆಟ್ಟಿ ಪಣಿಯೂರು ಮೊಕುಲು ಬರೆತೆರ್ . ಇಂದೆತ ಇಮರ್ಶೆನ್ ಸಾಹಿತಿ ಅಶೋಕ್ ಪಕ್ಕಳ ಮೇರ್ ಮಲ್ಪರುಲ್ಲೆರ್
‘ಪನಿ ಪರ್ಬ’ ಕಬಿಗೋಷ್ಠಿ:
ಸಾಹಿತಿ ನಂದಳಿಕೆ ನಾರಾಯಣ ಶೆಟ್ಟಿ ಮೆರೆನ ಗುರ್ಕಾರ್ಮೆಡ್ ಪನಿ ಪರ್ಬ‘ ಪನ್ಪಿ ತುಲು ಹಾಸ್ಯ ಕಬಿಗೋಷ್ಠಿ ನಡಪರೆ ಉಂಡು. 33 ಕಬಿಕುಲು ಇಂದೆಟ್ ಪಾಲ್ ಪಡೆಯೊಂದುಲ್ಲೆರ್.
ಅಂಚೆನೇ ದಿ ವಾಯ್ಸ್ ಆಫ್ ಐ ಲೇಸಾ ಟೀಮ್ ಮೊಕ್ಲೆನ ಬಳಗೊರ್ದು ತುಲು ಪದೊ ರಂಗಿತ ನಡಪರೆ ಉಂಡು.
ತುಲು ಬಾಸೆ ಬೊಕ್ಕ ಸಂಸ್ಕೃತಿದ ಒರಿಪುಗಾದ್ ನಡಪುನ ಈ ಕಾರ್ಯಕ್ರಮೊಡು ಮಾತಾ ತುಲುವೆರ್ ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಲೇಸ್ದ ಪೊರ್ಲುಗ್ ಸಾಕ್ಷಿ ಆವೊಡು ಪಂದ್ ತುಲುವೆರೆ ಕಲಾ ಟ್ರಸ್ಟ್ (ರಿ) ಬೊಂಬಾಯಿ ಘಟಕದ ಗುರ್ಕಾರ್ದಿ ಶ್ರೀಮತಿ ಪ್ರಫುಲ್ಲ ದಿನೇಶ್ ಶೆಟ್ಟಿ ಪಡುಕುಡೂರು, ಕಾರ್ಯಾoತೆದಿ ಶ್ರೀಮತಿ ಶೋಭಾ ಎಸ್. ಶೆಟ್ಟಿ ನೆಲ್ಲಿದಡಿಗುತ್ತು, ಒತ್ತು ಕಾರ್ಯಾoತೆದಿ ಶ್ರೀಮತಿ ಸವಿತಾ ಚಂದ್ರಶೇಖರ್ ಸಾಲಿಯಾನ್, ಪಣವುದ ಗುರ್ಕಾರ್ದಿ ಶ್ರೀಮತಿ ಮೈನಾ ಪದ್ಮನಾಭ ಶೆಟ್ಟಿ, ಸಾಹಿತ್ಯ ಸಂಘಟಕೆರಾಯಿನ ಶ್ರೀಮತಿ ಕುಮುದಾ ಡಿ. ಶೆಟ್ಟಿ ಬೊಕ್ಕ ಶ್ರೀ ಲಕ್ಷ್ಮೀನಾರಾಯಣ ಹರೇಕಳ ಬೊಕ್ಕ ಮಾತ ನಿದಯಂತೆರ್ ಬಿನ್ನಾಪು ಮಲ್ತ್ದೆರ್.
