ಮುಂಬೈನಲ್ಲಿ ನೆಲೆಸಿರುವ ಕನ್ನಡಿಗರಿಗೆ ಒಂದು ಅತ್ಯಂತ ಸಂತಸದ ಸುದ್ದಿ ಹೊರಬಿದ್ದಿದೆ. ಮುಂಬೈನ ಸಿ.ಎಸ್.ಟಿ (C.S.T.) ಯಲ್ಲಿರುವ ವಿದ್ಯಾಧಾಯಿನಿ ಸಭಾ ಮುಂಬೈ ಸಂಚಾಲಕತ್ವದ “ಕೆನರಾ ವಿದ್ಯಾದಾಯಿನಿ ರಾತ್ರಿ ಶಾಲೆ”ಯಲ್ಲಿ ಕನ್ನಡ ಮಾಧ್ಯಮದ 8 ರಿಂದ 10ನೇ ತರಗತಿಗಳಿಗೆ ನೇರ ಹಾಗೂ ಉಚಿತ ಪ್ರವೇಶ ಪ್ರಾರಂಭವಾಗಿದೆ ಎಂದು ತಿಳಿಸಲು ಹೆಮ್ಮೆಯಾಗುತ್ತಿದೆ. ಸರ್ಕಾರದ ಆದೇಶಾನುಸಾರ 5 ಅಥವಾ 6ನೇ ತರಗತಿಯಲ್ಲಿ ಶಾಲೆ ಬಿಟ್ಟ ವಿದ್ಯಾರ್ಥಿಗಳಿಗೆ ನೇರವಾಗಿ 8ನೇ ತರಗತಿಗೆ ಸೇರ್ಪಡೆಗೊಳ್ಳಲು ಇಲ್ಲಿ ಸುವರ್ಣಾವಕಾಶ ಕಲ್ಪಿಸಲಾಗಿದೆ. ಈ ಶಾಲೆಯು ಶಿಕ್ಷಣ ಕ್ಷೇತ್ರದಲ್ಲಿ 100 ವರ್ಷಗಳನ್ನು ಪೂರೈಸಿ ಶತಮಾನೋತ್ಸವದ ಸಂಭ್ರಮದಲ್ಲಿದೆ. ಇಲ್ಲಿ ನುರಿತ ಮತ್ತು ಅನುಭವಿ ಶಿಕ್ಷಕರಿಂದ ಬೋಧನೆ, ಇಂಗ್ಲಿಷ್ ಹಾಗೂ ಗಣಿತ ವಿಷಯಗಳಿಗೆ ಹೆಚ್ಚಿನ ಆದ್ಯತೆ, ಮತ್ತು ಪ್ರೊಜೆಕ್ಟರ್ ಮೂಲಕ ಆಧುನಿಕ ಕಲಿಕೆಯನ್ನು ನೀಡಲಾಗುತ್ತದೆ. ಇದರೊಂದಿಗೆ ಸುಸಜ್ಜಿತವಾದ ಪ್ರಯೋಗಾಲಯ, ಗ್ರಂಥಾಲಯ, ಅಂತರ್ಶಾಲಾ ಪ್ರತಿಭಾ ಸ್ಪರ್ಧೆಗಳ ತರಬೇತಿ, ಕ್ರೀಡೋತ್ಸವ, ಮತ್ತು ಶೈಕ್ಷಣಿಕ ಪ್ರವಾಸಗಳ ಸೌಲಭ್ಯವೂ ಇದೆ.
ವಿದ್ಯಾರ್ಥಿನಿಯರಿಗೂ ಸಹ ಈ ರಾತ್ರಿ ಶಾಲೆಯಲ್ಲಿ ಕಲಿಯಲು ಉತ್ತಮ ಅವಕಾಶವಿದ್ದು, ಪ್ರತಿದಿನ ಸಂಜೆ ಉಚಿತ ಉಪಹಾರದ ವ್ಯವಸ್ಥೆ ಇರಲಿದೆ. ಈ ಶಾಲೆಯು ಎಸ್ಎಸ್ಎಲ್ಸಿ (S.S.C.) ಪರೀಕ್ಷೆಯಲ್ಲಿ ಸತತ 15 ವರ್ಷಗಳಿಂದ ಶೇಕಡಾ 100% ಫಲಿತಾಂಶವನ್ನು ದಾಖಲಿಸುತ್ತಾ ಬಂದಿದ್ದು, ಪ್ರಥಮ ದರ್ಜೆಯಲ್ಲಿ ತೇರ್ಗಡೆಯಾಗುವ ವಿದ್ಯಾರ್ಥಿಗಳಿಗೆ ಮುಂದಿನ ಕಾಲೇಜು ಶಿಕ್ಷಣಕ್ಕೆ ಸಂಪೂರ್ಣ ನೆರವು ನೀಡಲಾಗುತ್ತದೆ. ಇದರ ಜೊತೆಗೆ ವಿದ್ಯಾರ್ಥಿಗಳಿಗೆ ಉಚಿತ ಶಿಕ್ಷಣ, ಉಚಿತ ಕಂಪ್ಯೂಟರ್ ಶಿಕ್ಷಣ, ಉಚಿತ ಇಂಗ್ಲಿಷ್ ಸ್ಪೀಕಿಂಗ್ ಕೋರ್ಸ್, ಉಚಿತ ಬಸ್ ಮತ್ತು ರೈಲ್ವೆ ಪಾಸ್, ಉಚಿತ ಕ್ರಿಕೆಟ್ ಹಾಗೂ ಫುಟ್ಬಾಲ್ ಕೋಚಿಂಗ್, ಉಚಿತ ನೋಟ್ಬುಕ್ ಮತ್ತು ಪಠ್ಯಪುಸ್ತಕಗಳನ್ನು ವಿತರಿಸಲಾಗುತ್ತದೆ. ‘MASOOM’ ಎಂಬ ಸರ್ಕಾರೇತರ ಸಂಸ್ಥೆಯ (NGO) ಮುಖಾಂತರ ವಿದ್ಯಾರ್ಥಿಗಳಿಗೆ ಇಂತಹ ವಿವಿಧ ರೀತಿಯ ಸೌಕರ್ಯಗಳನ್ನು ಒದಗಿಸಲಾಗುತ್ತಿದ್ದು, ಕೋಟೆ ಪರಿಸರದ ಈ ಏಕೈಕ ರಾತ್ರಿ ಶಾಲೆಯು ಸಿ.ಎಸ್.ಟಿ ಮತ್ತು ಚರ್ಚ್ಗೇಟ್ (Churchgate) ರೈಲ್ವೆ ಸ್ಟೇಷನ್ನಿಂದ ಕೇವಲ 5 ನಿಮಿಷಗಳ ಅಂತರದಲ್ಲಿದೆ. ನಿಮ್ಮ ಉಜ್ವಲ ಭವಿಷ್ಯಕ್ಕಾಗಿ ಆಸಕ್ತರು ಇಂದೇ ಶಾಲೆಯನ್ನು ಸಂಪರ್ಕಿಸಿ ಈ ಉಚಿತ ಅವಕಾಶದ ಸದುಪಯೋಗ ಪಡಿಸಿಕೊಳ್ಳಬಹುದಾಗಿದೆ.
ವಿಶೇಷ ಸೂಚನೆ: ಮುಂಬೈ, CST G.P.O ನ ಎದುರುಗಡೆ ಇರುವ ಮನೋಹರ್ ದಾಸ್ ಸ್ಟ್ರೀಟ್ ನ. BMC ಶಾಲೆಯಲ್ಲಿ ನಮ್ಮ ರಾತ್ರಿ ಶಾಲೆಯು . ಜೂನ್ 15ರಿಂದ ಪ್ರಾರಂಭವಾಗಿದ್ದು. ಶಾಲೆ ಕಲಿಯಲು ಆಸಕ್ತರಿರುವ ಕನ್ನಡಿಗರನ್ನು ಶಾಲೆಗೆ ಕರೆದು ತನ್ನಿ. ಎಂಟನೇ ತರಗತಿಗೆ ನೇರವಾಗಿ ದಾಖಲಾಗುವ ಅವಕಾಶ ಇದೆ. ಆ ಮೂಲಕ ಅವರ ಭವಿಷ್ಯವನ್ನು ಉಜ್ಜಲಗೊಳಿಸಿರಿ.
ಹೆಚ್ಚಿನ ಮಾಹಿತಿಗಾಗಿ ಪ್ರಕಾಶ್ಚಂದ್ರ ಎಂ ಆರ್ ಬಂಗೇರ 9448888055
( ಮುಖ್ಯ ಶಿಕ್ಷಕರು
ಕೆನರಾ ವಿದ್ಯಾದಾಯಿನಿ ರಾತ್ರಿ ಶಾಲೆ)
ಅವರನ್ನು ಸಂಪರ್ಕಿಸಬಹುದು.
