ಸನ್ಮಾನ, ನೃತ್ಯ ರೂಪಕದ ಪಂತೊ
ಮುಂಬಯಿ : ಕುಲಾಲ ಸಂಘ ಮುಂಬಯಿದ ಪೊಂಜೊವುಲೆನ ವಿಭಾಗೊದ ವತಿರ್ದ್ “ನಮ್ಮ ಸಂಸ್ಕೃತಿ – ತುಳುವೆರೆ ಆಯನ” ಪನ್ಪಿನ ಮಲ್ಲ ಸಾಂಸ್ಕೃತಿಕ ಲೇಸ್ ಆಯಿತಾರ, ಸೆಪ್ಟೆಂಬರ್ 20, 2026ಕ್ಕ್ ಕಾಂಡೆ 9 ಗಂಟೆರ್ದ್ ದಾದರ್ ಮೂಡಾಯಿದ ಹಿಂದೂ ಕಾಲೋನಿಡ್ ಇಪ್ಪುನ ಪ್ರೊ. ಬಿ. ಎನ್. ವೈದ್ಯ ಸಭಾಗೃಹೊಡು (ಕಿಂಗ್ ಜಾರ್ಜ್ ಆಡಿಟೋರಿಯಂ) ಬಾರಿ ಪೊರ್ಲುಡೆ ನಡಪರೆ ಉಂಡು. ಕಾಂಡೆ 10 ಗಂಟೆಗ್ ಪೊಂಜೊವುಲೆನ ವಿಭಾಗೊದ ಕಾರ್ಯಾಧ್ಯಕ್ಷೆರಾಯಿನ ಸುಚಿತಾ ಡಿ. ಬಂಜನ್ ಬೊಕ್ಕ ಪದಾಧಿಕಾರಿಲೆನ ಗುರ್ಕಾರ್ಮೆಡ್ ನಡಪುನ ಉದಿಪನ ಲೇಸ್‍ದ ಅಧ್ಯಕ್ಷತೆನ್ ಕುಲಾಲ ಸಂಘ ಮುಂಬಯಿದ ಗುರ್ಕಾರ್ರ್ ರಘು ಎ. ಮೂಲ್ಯ ವಹಿಸಾವರೆ ಉಲ್ಲೆರ್.
ಮುಖ್ಯ ಬಿನ್ನೆರಾದ್ ಬಂಟರ ಸಂಘ ಮುಂಬಯಿದ ಪೊಂಜೊವುಲೆನ ವಿಭಾಗೊದ ಕಾರ್ಯಾಧ್ಯಕ್ಷೆ ಚಿತ್ರಾ ರವಿರಾಜ್ ಶೆಟ್ಟಿ, ಸಮಾಜ ಸೇವಕಿ ಪ್ರಿಯದರ್ಶಿನಿ ಸುನಿಲ್ ಕುಲಾಲ್, ಬಿಲ್ಲವರ ಅಸೋಸಿಯೇಷನ್ ಮುಂಬಯಿದ ಪೊಂಜೊವುಲೆನ ವಿಭಾಗೊದ ಕಾರ್ಯಾಧ್ಯಕ್ಷೆ ಶಕುಂತಲಾ ಕೆ. ಕೋಟ್ಯಾನ್, ಸಮಾಜ ಸೇವಕಿ ದೇವಕಿ ಸುನಿಲ್ ಸಾಲಿಯಾನ್, ಸಮಾಜ ಸೇವಕಿ ನಮ್ರತಾ ಜಗದೀಶ್ ಬಂಜನ್ ಬೊಕ್ಕ CIPYO ಪ್ರೈವೇಟ್ ಲಿಮಿಟೆಡ್‌ದ ನಿರ್ದೇಶಕಿ ಡಾ. ಸುರೇಖಾ ರತನ್ ಕುಲಾಲ್ ಪಾಲ್ ಪಡೆಯೆರೆ ಉಲ್ಲೆರ್. ಮುಖ್ಯ ಪಾತೆರ್ತೆರಾದ್ ಚಿಣ್ಣರ ಬಿಂಬ ಟ್ರಸ್ಟ್‌ದ ಮುಖ್ಯ ಸಮನ್ವಯಕಿ ಗೀತಾ ರಘುರಾಮ ಹೇರಳ ಮೇರ್ ಪಾಲ್ ಪಡೆಯೆರೆ ಉಲ್ಲೆರ್.
ಇಂಚಿತ್ತಿ ಪೊರ್ತುಡು ಪ್ರಾದೇಶಿಕ ಸಮಿತಿದ ಐನ್ ಹಿರಿಯ ಪೊಂಜೊವುಲೆಗ್ ಸನ್ಮಾನ ಮಲ್ಪೆರೆ ಉಂಡು. ಮಧ್ಯಾಹ್ನ 2 ಗಂಟೆರ್ದ್ “ನಮ್ಮ ಸಂಸ್ಕೃತಿ” ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಐನ್ ಪ್ರಾದೇಶಿಕ ಸಮಿತಿಲೆನ ಪೊಂಜೊವುಲೆನ ವಿಭಾಗೊದ ಸದಸ್ಯೆರೆರ್ದ್ ಕುಲಾಲ ಸಂಸ್ಕೃತಿದ ವಿಷಯೊದ ಮಿತ್ತ್ ನೃತ್ಯ ರೂಪಕದ ಪಂತೊ ನಡಪರೆ ಉಂಡು. ಅಯಿತ ಒಟ್ಟುಗು ತೆಲಿಕೆ, ಪದ ಪನ್ಪುನ ಬೊಕ್ಕ ಕುಶಿ ಕೊರ್ಪಿನ ಬೇತೆ ಬೇತೆ ಲೇಸ್‍ಲು ನಡಪರೆ ಉಂಡು.
ಬಯ್ಯಗ್ 5.30ಕ್ಕ್ ಇನಾಮು ಪಟ್ಯೆರೆ ಉಂಡು. ಕಾಂಡೆ 9 ಗಂಟೆರ್ದ್ ಮಾತಾ ಪೊಂಜೊವುಲೆನ ಮಂಜೊಲು-ಕುಂಕುಮ ಲೇಸ್ ನಡಪರೆ ಉಂಡು.
ಸಮಾಜ ಬಾಂಧವೆರ್ ಈ ಲೇಸ್‍ಡ್ ಮಸ್ತ್ ಜನ ಪಾಲ್ ಪಡೆದ್ ಯಶಸ್ವಿ ಮಲ್ಪೊಡು ಪಂಡ್‌ದ್ ಕುಲಾಲ ಸಂಘೊದ ಪರವಾದ್ ಗೌರವ ಅಧ್ಯಕ್ಷೆರ್ ಪಿ. ದೇವದಾಸ್ ಎಲ್. ಕುಲಾಲ್, ಉಪಾಧ್ಯಕ್ಷೆರ್ ಡಿ. ಐ. ಮೂಲ್ಯ, ಪ್ರಧಾನ ಕಾರ್ಯದರ್ಶಿ ಕರುಣಾಕರ ಬಿ. ಸಾಲಿಯಾನ್, ಕೋಶಾಧಿಕಾರಿ ಜಯ ಎಸ್. ಅಂಚನ್, ಜೊತೆ ಕಾರ್ಯದರ್ಶಿನಕುಲಾಯಿನ ಲಕ್ಷ್ಮಣ್ ಸಿ. ಮೂಲ್ಯ ಬೊಕ್ಕ ಸುನಿಲ್ ಕೆ. ಕುಲಾಲ್, ಜೊತೆ ಕೋಶಾಧಿಕಾರಿ ರೇಣುಕಾ ಎಸ್. ಸಾಲ್ಯಾನ್, ಅಂಚನೆ ಪೊಂಜೊವುಲೆನ ವಿಭಾಗೊದ ಪರವಾದ್ ಉಪ ಕಾರ್ಯಾಧ್ಯಕ್ಷೆ ಕವಿತಾ ಸಿ. ಹಂಡ, ಕಾರ್ಯದರ್ಶಿ ನಯನಾ ಎನ್. ಬಂಗೇರ, ಕೋಶಾಧಿಕಾರಿ ಲತಾ ಎಸ್. ಮೂಲ್ಯ, ಜೊತೆ ಕಾರ್ಯದರ್ಶಿ ಆರತಿ ಕೆ. ಸಾಲ್ಯಾನ್, ಜೊತೆ ಕೋಶಾಧಿಕಾರಿ ಚಂದ್ರಾವತಿ ಎಸ್. ಸಾಲ್ಯಾನ್ ಬೊಕ್ಕ ಮಾತಾ ಸದಸ್ಯೆರ್ ಕೇನೊಂದೆರ್.
