ಇರ್ವತ್ತೂರು: ಇತ್ತೀಚೆಗೆ ಪ್ರಕಟಗೊಂಡ 2025-26ನೇ ಸಾಲಿನ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಇರ್ವತ್ತೂರು ಕೊಲ್ಚರಬೆಟ್ಟು ನಿವಾಸಿಗಳಾದ ಹರೀಶ್ ಎಂ. ಬಂಗೇರ ಹಾಗೂ ಪ್ರಮೀಳಾ ಎಚ್. ಬಂಗೇರ ದಂಪತಿಗಳ ಪುತ್ರಿ ಕುಮಾರಿ ಆಶ್ವಿ ಎಚ್. ಬಂಗೇರ ಅತ್ಯುತ್ತಮ ಅಂಕಗಳೊಂದಿಗೆ ಉತ್ತೀರ್ಣರಾಗಿ ಸಾಧನೆ ಮಾಡಿದ್ದಾರೆ.
ಒಟ್ಟು 625 ಅಂಕಗಳಲ್ಲಿ 600 ಅಂಕಗಳನ್ನು (ಶೇ. 96%) ಪಡೆಯುವ ಮೂಲಕ ಆಶ್ವಿ ಅವರು ಇರ್ವತ್ತೂರು ಗ್ರಾಮಕ್ಕೆ ಹಾಗೂ ಸಮಾಜಕ್ಕೆ ಕೀರ್ತಿ ತಂದಿದ್ದಾರೆ. ವಿದ್ಯಾರ್ಥಿನಿಯ ಈ ಅಮೋಘ ಸಾಧನೆಯನ್ನು ಬಿಲ್ಲವ ಬಾಂಧವೆರ್ ಕೊಳಕೆ ಇರ್ವತ್ತೂರು ಘಟಕದ ಅಧ್ಯಕ್ಷರು ಹಾಗೂ ಸರ್ವ ಸದಸ್ಯರು ಶ್ಲಾಘಿಸಿದ್ದಾರೆ.
