ವಸಾಯಿ: ಇಲ್ಲಿನ ಪೂರ್ವ ಭಾಗದ ನಾಲಾಸೊಪರಾ ಲಿಂಕ್ ರಸ್ತೆ ಬಳಿಯ, ನಾಲಾಸೊಪರಾ ಅಗ್ನಿಶಾಮಕ ದಳದ ಹತ್ತಿರವಿರುವ ವೀಣಾ ಸುರ್ ಶ್ಯಾಮ್ ಕಾಂಪ್ಲೆಕ್ಸ್ ನಿವಾಸಿ ನವೀನ್ ಪುತ್ರನ್ (45) ಅವರು ಆಗಸ್ಟ್ 4ರಂದು ನಿಧನರಾಗಿದ್ದಾರೆ.
ಮೃತರು ಪತ್ನಿ, ಓರ್ವ ಪುತ್ರ, ಓರ್ವ ಪುತ್ರಿ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.
ನವೀನ್ ಪುತ್ರನ್ ಅವರು ವಸಾಯಿ ತಾಲೂಕು ಮೊಗವೀರ ಸಂಘದ ಸಕ್ರಿಯ ಸದಸ್ಯರಾಗಿ ಹಾಗೂ ಮೊಗವೀರ ವ್ಯವಸ್ಥಾಪಕ ಮಂಡಳಿಯ ‘ವಿರಾರ್-ನೈಗಾಂವ್ ಶಾಖೆ’ಯ ಸಕ್ರಿಯ ಸದಸ್ಯರಾಗಿ ಸಮಾಜಮುಖಿ ಕಾರ್ಯಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು.
ಸಂತಾಪ ಸಭೆ ಹಾಗೂ ಶೋಕ ಸಂದೇಶ: ನವೀನ್ ಪುತ್ರನ್ ಅವರ ಹಠಾತ್ ನಿಧನಕ್ಕೆ ವಸಾಯಿ ತಾಲೂಕು ಮೊಗವೀರ ಸಂಘದ ಅಧ್ಯಕ್ಷರಾದ ಯಶೋಧರ ಕೋಟ್ಯಾನ್, ಸಂಘದ ಸಮಸ್ತ ಪದಾಧಿಕಾರಿಗಳು ಹಾಗೂ ಸದಸ್ಯರು ತೀವ್ರ ಕಂಬನಿ ಮಿಡಿದಿದ್ದಾರೆ. ಜೊತೆಗೆ, ಮೊಗವೀರ ವ್ಯವಸ್ಥಾಪಕ ಮಂಡಳಿಯ ‘ವಿರಾರ್-ನೈಗಾಂವ್ ಶಾಖೆ’ಯ ಪದಾಧಿಕಾರಿಗಳು ಮತ್ತು ಸದಸ್ಯರು ಮೃತರ ಆತ್ಮಕ್ಕೆ ಶಾಂತಿ ಕೋರಿ, ಅವರ ಕುಟುಂಬ ವರ್ಗಕ್ಕೆ ದುಃಖ ಭರಿಸುವ ಶಕ್ತಿಯನ್ನು ಭಗವಂತ ನೀಡಲಿ ಎಂದು ಆಳವಾದ ಸಂತಾಪ ಸೂಚಿಸಿದ್ದಾರೆ.
