ಡೊಂಬಿವಲಿಯ ಖ್ಯಾತ ಛಾಯಾಗ್ರಾಹಕರೂ, ಮುಂಬೈ ನ್ಯೂಸ್ ನ ಛಾಯಾಗ್ರಾಹಕರೂ, ವರದಿಗಾರರೂ ಆಗಿರುವ ಧನಂಜಯ ಪೂಜಾರಿ ಅವರ ಮಾತೃಶ್ರೀ ಜಲಜಾ ಪೂಜಾರಿ (77 ವರ್ಷ) ಅವರು ಅಲ್ಪಕಾಲದ ಅಸೌಖ್ಯದಿಂದ (ಇಂದು) ಸೆ. 10ರಂದು ತಮ್ಮ ಸ್ವಗ್ರಹದಲ್ಲಿ ಮುಂಜಾನೆ ನಿಧನ ಹೊಂದಿದರು.
ಮೃತರು ಇಬ್ಬರು ಪುತ್ರರು ಹಾಗೂ ಒಬ್ಬ ಪುತ್ರಿ ಸೇರಿದಂತೆ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ.
ಉಡುಪಿ, ಉಚ್ಚಿಲ ನಿವಾಸ ಆಗಿದ್ದ ಅವರು, ತಮ್ಮ ಸದ್ಗುಣ, ಸೌಮ್ಯತೆ ಹಾಗೂ ಧಾರ್ಮಿಕ ನಿಷ್ಠೆಯಿಂದ ಕುಟುಂಬ ಹಾಗೂ ಸಮಾಜದಲ್ಲಿ ವಿಶಿಷ್ಟ ಸ್ಥಾನವನ್ನು ಗಳಿಸಿದ್ದರು.
ಅವರ ಅಗಲಿಕೆಯು ಕುಟುಂಬವರ್ಗ ಮಾತ್ರವಲ್ಲದೆ, ಸ್ನೇಹಿತರು ಮತ್ತು ಪರಿಚಿತರ ವಲಯದಲ್ಲಿಯೂ ಆಳವಾದ ಶೋಕವನ್ನುಂಟುಮಾಡಿದೆ.
ದೈವಾದೀನರಾದ ಅವರ ಆತ್ಮಕ್ಕೆ ಪರಮಾತ್ಮನ ಚಿರಶಾಂತಿ ನೀಡಲೆಂದು ಮುಂಬೈ ನ್ಯೂಸ್ ಪರಿವಾರದ ಪ್ರಾರ್ಥನೆ.
