ಭಾಯಂದರ್ ಪೂರ್ವದಲ್ಲಿರುವ ಶ್ರೀ ಮೂಕಾಂಬಿಕಾ ಶಾಂತ ದುರ್ಗಾ ದೇವಿಯ ಶರನ್ನವರಾತ್ರಿ ಮಹಾಪೂಜೆಯು ಪ್ರತಿವರ್ಷದಂತೆ ಈ ವರ್ಷವೂ ನಡೆಯಲಿದೆ. ಸುಂದರಿ ಶೆಟ್ಟಿ ಪರಿವಾರ, ಸಮಿತಿಯ ಸದಸ್ಯರು ಹಾಗೂ ಭಕ್ತಾಭಿಮಾನಿಗಳ ಸಹಕಾರದೊಂದಿಗೆ, ಧರ್ಮಸೇವಕ ಶೇಖರ್ ಶೆಟ್ಟಿ ಅವರ ನೇತೃತ್ವದಲ್ಲಿ ಈ ಪೂಜಾ ಕಾರ್ಯಕ್ರಮ ಸನ್ನಿಧಾನದಲ್ಲಿ (ಜಿ-03, ನ್ಯೂ ಕೃಷ್ಣ ಪ್ಯಾಲೇಸ್, ನರೇಶ್ ಸ್ಟೀಲ್ ಸಮೀಪ, ಎಸ್.ವಿ. ರಸ್ತೆ, ಭಾಯಂದರ್ ಪೂರ್ವ) ಜರುಗಲಿದೆ.
ಪೂಜಾ ಕಾರ್ಯಕ್ರಮಗಳ ವಿವರ:
- ಬೆಳಿಗ್ಗೆ 7.30ಕ್ಕೆ: ವನದುರ್ಗಾ ಹೋಮ
- ಬೆಳಿಗ್ಗೆ 10.00ರಿಂದ: ಭಜನೆ
- ಬೆಳಿಗ್ಗೆ 11.30ಕ್ಕೆ: ಪುಷ್ಪಾಲಂಕಾರ ಮತ್ತು ಶ್ರೀ ದೇವಿ ದರ್ಶನದೊಂದಿಗೆ ಮಂಗಳಾರತಿ
- ಮಧ್ಯಾಹ್ನ 12.30ಕ್ಕೆ: ಮಹಾ ಪ್ರಸಾದ ಅನ್ನಸಂತರ್ಪಣೆ
ಸಂಜೆಯ ಕಾರ್ಯಕ್ರಮಗಳು:
- ಸಂಜೆ 6.00ರಿಂದ: ಮಾತೆ ಶಾಂತ ದುರ್ಗೆಗೆ ಭಜನೆ
- ಸಂಜೆ 7.00ಕ್ಕೆ: ಹೂವಿನ ಪೂಜೆ ಮತ್ತು ಮಂಗಳಾರತಿ
- ರಾತ್ರಿ 8.00ರಿಂದ: ಅನ್ನಸಂತರ್ಪಣೆ
ಈ ಪುಣ್ಯ ಕಾರ್ಯಕ್ರಮಕ್ಕೆ ತಮ್ಮ ಬಂಧು-ಮಿತ್ರರೊಂದಿಗೆ ಆಗಮಿಸಿ, ಶ್ರೀ ದೇವಿಯ ಅನುಗ್ರಹಕ್ಕೆ ಪಾತ್ರರಾಗಿ ತೀರ್ಥ ಪ್ರಸಾದ ಮತ್ತು ಅನ್ನ ಪ್ರಸಾದ ಸ್ವೀಕರಿಸಬೇಕೆಂದು ಧರ್ಮಸೇವಕ ಶೇಖರ್ ಶೆಟ್ಟಿ, ಸುಂದರಿ ಶೆಟ್ಟಿ ಪರಿವಾರ, ಶ್ರೀ ಮೂಕಾಂಬಿಕಾ ಶಾಂತ ದುರ್ಗಾ ಸೇವಾ ಸಮಿತಿ ಹಾಗೂ ಸರ್ವ ಸದಸ್ಯರು ವಿನಂತಿಸಿಕೊಂಡಿದ್ದಾರೆ.
