ಮಲಾಡ್, ಮಾ. 6: ಮಲಾಡ್ ಕನ್ನಡ ಸಂಘ ಇದರ ವತಿಯಿಂದ ಮಾರ್ಚ್ 8ರಂದು ವಿಶ್ವ ಮಹಿಳಾ ದಿನಾಚರಣೆ ಅಂಗವಾಗಿ ಬೆಳಿಗ್ಗೆ 10ಗಂಟೆ ಯಿಂದ. ಅಪರಾಹ್ನ 3ಗಂಟೆಯ ವರೆಗೆ ಮಹಿಳೆಯರಿಗಾಗಿ ಉಚಿತ ವಿಶೇಷ ಆರೋಗ್ಯ ಮತ್ತು ಕಣ್ಣಿನ ತಪಾಸನ ಶಿಬಿರವನ್ನು ಸಂಘದ ಕಾರ್ಯಾಲಯ ಯುನಿಟಿ ಅಪಾರ್ಟ್ಮೆಂಟ್ ಬಫ್ -ಹೀರಾ ನಗರ ಮಾರ್ವೆ ರೋಡ್ ಮಲಾಡ್ ಇಲ್ಲಿ ಆಯೋಜಿಸಲಾಗಿದೆ
ಮಹಾನಗರದ ಯಾಂತ್ರೀಕೃತ ಒತ್ತಡದ ಬದುಕಿನಲ್ಲಿ ಮಹಿಳೆಯರು ಆರೋಗ್ಯದ ಕಡೆಗೆ ಗಮನ ನೀಡುವ ಮುಖ್ಯ ಉದ್ದೇಶದಿಂದ ಟಾಟಾ ಎಐಎ ಲೈಫ್ ಇನ್ಸೂರೆನ್ಸ್ ಸಹಯೋಗದಲ್ಲಿ ‘ನಾಳೆಯ ಬದುಕಿಗಾಗಿ ಆರೋಗ್ಯ’ ಎಂಬ ಶೀರ್ಷಿಕೆ ಯಡಿಯಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.
ಉಚಿತ ಆರೋಗ್ಯ ಶಿಬಿರ ಕಾರ್ಯಕ್ರಮದಲ್ಲಿ ಮಹಿಳೆಯರಿಗಾಗಿ ಸಾಮಾನ್ಯ ವೈದ್ಯಕೀಯ ಪರೀಕ್ಷೆ ರಕ್ತ ದ ಒತ್ತಡ ಮಧುಮೇಹ ಕೊಲೆಸ್ಟ್ರಾಲ್ ಮತ್ತು ಕಣ್ಣಿನ ಸಮಗ್ರ ಪರೀಕ್ಷೆ ದೃಷ್ಟಿ ದೋಷ ಸ್ಕ್ರೀನಿಂಗ್ ಟೆಸ್ಟ್ ಮತ್ತಿತರ ಉಚಿತವಾಗಿ ಪರೀಕ್ಷೆ ಸಲಹೆ ನೀಡಲಾಗುವುದು.
ದೇಶವಿದೇಶದ ಐತಿಹಾಸಿಕ ಹಿನ್ನೆಲೆಯಲ್ಲಿ ಅಚ ರಿಸಲಾಗುತ್ತಿರುವ ವಿಶ್ವ ಮಹಿಳಾ ದಿನಾಚರಣೆಯ ಕಾರ್ಯಕ್ರಮದಲ್ಲಿ ವಿಶೇಷವಾಗಿ ಮಹಿಳೆಯರಿಗಾಗಿ ಆಯೋಜಿಸಲಾದ ಶಿಬಿರದ ಪ್ರಯೋಜನವನ್ನು . ಸರ್ವ ಮಹಿಳಾ ಸದಸ್ಯರು ಪಡೆದು ಕೊಂಡು ಕಾರ್ಯಕ್ರಮದ ಯಶಸ್ವಿಗೆ ಸಹಕರಿಸುವಂತೆ. ಅಧ್ಯಕ್ಷ ರಾದ ನ್ಯಾI ಜಗದೀಶ್ ಎಸ್ ಹೆಗ್ಡೆ, ಗೌರವ ಪ್ರಧಾನ ಕಾರ್ಯದರ್ಶಿ ಆಶಾಲತ ಎಸ್ ಕೋಟ್ಯಾನ್ ಕೋಶಾಧಿಕಾರಿ ಶಾಂಭವಿ ಬಿ ಶೆಟ್ಟಿ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಸಾರಿಕಾ ರತ್ನಾಕರ್ ಶೆಟ್ಟಿ, ಪದಾಧಿಕಾರಿಗಳು, ಮಹಿಳಾ ಮತ್ತು ಯುವ ವಿಭಾಗ ಸದಸ್ಯರು, ಸಂಘದ ಸರ್ವ ಸದಸ್ಯರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
