ತೊಕ್ಕೊಟ್ಟು:
ತೊಕ್ಕೊಟ್ಟು ಪ್ರದೇಶೊಡು ಆಶಕ್ತ ಜನಕ್ಲೆಗ್ ಆಸರೆ ಆದ್, ಈ ಸರ್ತಿಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿನ್ ತನ್ನ ಮುಡಿಕ್ಕ್ ಏರಿಸವೊಂದಿನ ಶ್ರೀ ಸಾಯಿ ಪರಿವಾರ್ ಟ್ರಸ್ಟ್ (ರಿ.) ತೊಕ್ಕೊಟ್ಟು, ಉಂದೆತ ನಿರೆಲ್ಡ್ ‘ಹೊಂಬೆಳಕು’ದ ಪೊರ್ಲ ಚಾವಡಿಡ್ ಗುರು ಪೂರ್ಣಿಮೆ ಕಾರ್ಯಕ್ರಮ ನಡತ್ಂಡ್.
ಮಾನಾದಿಗೆ ಬೊಕ್ಕ ಕಾರ್ಯಕ್ರಮದ ಗರಿಮೆ:
- ಯಕ್ಷಗಾನ ಸಾಧಕೆರೆಗ್ ಗೌರವ: ಕರಾವಳಿ ಕರ್ನಾಟಕದ ಗಂಡುಕಲೆ ಆಯಿನ ಯಕ್ಷಗಾನೊನು ಒರಿಪೊಡು ಬೊಕ್ಕ ಬುಲೆಪೊಡು ಪನ್ಪಿನ ಮಲ್ಲ ಉದ್ದೇಶೊಡು, ತನ್ನ ಶಾಲೆದ ವಿದ್ಯಾರ್ಥಿ-ವಿದ್ಯಾರ್ಥಿನಿಯರೆಗ್ ಯಕ್ಷಗಾನ ನಾಟ್ಯ ತರಬೇತಿ ಕೊರೊಂದು, ಅಪ್ರತಿಮ ಕಲಾವಿದರಾದ್ ಮಿಂಚೊಂದುಪ್ಪುನ ಶ್ರೀ ಅಶ್ವಥ್ ಮಂಜನಾಡಿ ಆರೆಗ್ ಈ ಪೊರ್ತುಡು ತಮ್ಮನ ಬಲ್ಮನದ ಬಾರೀ ಮಲ್ಲ ಮಾನಾದಿಗೆ ಮಲ್ತೆರ್.
- ಗುರು ಪೂರ್ಣಿಮೆದ ಮಹತ್ವ: ತುಳು ಸಾಹಿತ್ಯ ಅಕಾಡೆಮಿದ ನಿಕಟಪೂರ್ವ ಅಧ್ಯಕ್ಷೆರ್, ತುಳುವ ಬೊಳ್ಳಿ ಎಂದೇ ಪುದರ್ ಪೋಯಿನ ಮಾನ್ಯ ದಯಾನಂದ ಕತ್ತೆಸಾರ್ ಆರ್ ಅಪ್ಪಟ ತುಳು ಭಾಷೆಡ್ ಗುರು ಪೂರ್ಣಿಮೆದ ಬಗ್ಗೆ ಒಂಜಾತ್ ತಿರ್ಲ್ದ ಮದಿಪುನ್ ಮಾತೆರೆನೊಟ್ಟುಗು ಪಟ್ಟುrowಂಡೆರ್.
- ಸಮಾಜಸೇವೆ ಬೊಕ್ಕ ವೆಬ್‌ಸೈಟ್ ಲೋಕಾರ್ಪಣೆ:
- ಲೇಸ್‍ದ ಪೊರ್ತುಡು ಅಗತ್ಯ ಉಪ್ಪುನ ಕಡು ಬಡವರೆಗ್ ಕಿಟ್ ವಿತರಣೆ ಮಲ್ತೆರ್.
- ಸಾಯಿ ಪರಿವಾರ್‌ದ ಗೌರವಾನ್ವಿತ ಸದಸ್ಯೆರಾಯಿನ ಶ್ರೀ ಸುರೇಶ್ ಭಟ್ನಗರ್ ಆರ್ ಶ್ರೀ ಸಾಯಿ ಪರಿವಾರ್‌ದ ಪೊಸ ವೆಬ್‌ಸೈಟ್‌ನ್ ಲೋಕಾರ್ಪಣೆ ಮಲ್ತೆರ್.
ಉದ್ಯಮೊದ ಬಿನ್ನವೆಡ್ ಕೂಟದ ಟ್ರಸ್ಟಿಲು ಬೊಕ್ಕ ಗೌರವ ಸದಸ್ಯೆರ್ ಮಾತ ಉಪಸ್ಥಿತರಿತ್ತೆರ್. ಇಡೀ ಲೇಸ್‌ನ್ ಬಾರೀ ಪೊರ್ಲುದ ವ್ಯವಸ್ಥೆಡ್, ಅಂಚನೆ ಎಡ್ಡೆ ರೀತಿಡ್ ಪ್ರವೀಣ್ ಎಸ್. ಕುಂಪಲ ಆರ್ ನಿರೂಪಣೆ ಮಲ್ತೆರ್.
