ಮುಂಬಯಿ: ಇಲ್ಲಿನ ವಿಲೇಪಾರ್ಲೆ ಪಶ್ಚಿಮದ ನಿವಾಸಿ ಕೇಂಜ ಲಕ್ಷ್ಮಣ ನಾರಾಯಣ ಪೂಜಾರಿ (69) ಅವರು ಅಲ್ಪಕಾಲದ ಅಸೌಖ್ಯದಿಂದ ಮಂಗಳವಾರ (ಮಾ. 10) ತಮ್ಮ ಸ್ವಗೃಹದಲ್ಲಿ ನಿಧನರಾದರು.
ಮೃತರು ಪತ್ನಿ ಸುಂದರಿ ಲಕ್ಷ್ಮಣ್ ಪೂಜಾರಿ, ಪುತ್ರಿಯರಾದ ನೀತು ಹಾಗೂ ನಿಶಾ, ಮೊಮ್ಮಕ್ಕಳು ಸೇರಿದಂತೆ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ. ಇವರು ಮುಂಬಯಿ ಬಿಲ್ಲವರ ಎಸೋಸಿಯೇಶನ್ನ ಕಾರ್ಯಕಾರಿ ಸಮಿತಿ ಹಿರಿಯ ಸದಸ್ಯ ಶಂಕರ ಡಿ. ಪೂಜಾರಿ ಅವರ ಬಾವನವರಾಗಿದ್ದಾರೆ.
ಲಕ್ಷ್ಮಣ ಪೂಜಾರಿ ಅವರ ನಿಧನಕ್ಕೆ ಮುಂಬಯಿಯ ಹಲವಾರು ಪ್ರತಿಷ್ಠಿತ ಸಂಸ್ಥೆಯ ಪದಾಧಿಕಾರಿಗಳು ಹಾಗೂ ಬಂಧು ಮಿತ್ರರು ಮೃತರ ಆತ್ಮಕ್ಕೆ ಶಾಂತಿ ಕೋರಿ ಶೋಕ ವ್ಯಕ್ತಪಡಿಸಿದ್ದಾರೆ.
