November 22, 2026
Mumbai News Kannada
ಮುಂಬಯಿ

ಜೈ ಶ್ರೀ ವಿಶ್ವಕರ್ಮ ಭಜನಾ ಮಂಡಳಿಯ 15ನೇ ವರ್ಷದ ಸಂಭ್ರಮ





















ಭಜನೆಯ ಮೂಲಕ ಭಗವಂತನ ಸಾಕ್ಷಾತ್ಕಾರ ಸಾಧ್ಯ: ರವೀಶ್ ಆಚಾರ್ಯ

​ಮುಂಬಯಿ: “ಭಗವಂತನಿಗೆ ಅತ್ಯಂತ ಪ್ರಿಯವಾದ ಭಜನೆಯ ಮಾರ್ಗದ ಮೂಲಕ ಆತನನ್ನು ಒಲಿಸಿಕೊಳ್ಳಲು ಸಾಧ್ಯ. ಭಕ್ತಿ ಮತ್ತು ಶ್ರದ್ಧೆಯ ಸಂಕೀರ್ತನೆಗಳು ಮನಸ್ಸಿಗೆ ನೆಮ್ಮದಿ ನೀಡುತ್ತವೆ,” ಎಂದು ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಷನ್‌ನ ಅಧ್ಯಕ್ಷ ರವೀಶ್ ಜಿ. ಆಚಾರ್ಯ ಅಭಿಮತ ವ್ಯಕ್ತಪಡಿಸಿದರು.

​ನಗರದ ವಿಶ್ವಕರ್ಮ ಸಮಾಜದ ಮಹಿಳೆಯರು ಸ್ಥಾಪಿಸಿರುವ **’ಜೈ ಶ್ರೀ ವಿಶ್ವಕರ್ಮ ಭಜನಾ ಮಂಡಳಿ’**ಯ ಪಂಚದಶಮಾನೋತ್ಸವ ಹಾಗೂ ಹಳದಿ-ಕುಂಕುಮ ಕಾರ್ಯಕ್ರಮವು ಇತ್ತೀಚೆಗೆ ಗೊರೇಗಾವ್ ಬಾಂಗೂರ್ ನಗರದ ಶ್ರೀ ರಾಮ ಮಂದಿರದಲ್ಲಿ ವಿಜೃಂಭಣೆಯಿಂದ ನೆರವೇರಿತು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡುತ್ತಿದ್ದರು.

​ಮಧ್ಯಾಹ್ನ ಡೊಂಬಿವಲಿಯ ಶ್ರೀ ಗೋಪಾಲಕೃಷ್ಣ ಪುರೋಹಿತರ ಪೌರೋಹಿತ್ಯದಲ್ಲಿ ಮುತ್ತೈದೆಯರಿಂದ ಜ್ಯೋತಿ ಪ್ರಜ್ವಲನೆಯೊಂದಿಗೆ ಕಾರ್ಯಕ್ರಮ ಆರಂಭವಾಯಿತು. ನಾಲ್ಕು ಭಜನಾ ಮಂಡಳಿಗಳಿಂದ ಭಜನೆ ಹಾಗೂ ಮಂಡಳಿಯ ಸದಸ್ಯೆಯರಿಂದ ಯಕ್ಷ ಗುರು ನಾಗೇಶ್ ಪೊಳಲಿ ಅವರ ನಿರ್ದೇಶನದಲ್ಲಿ ಯಕ್ಷಗಾನ ಶೈಲಿಯ ಕುಣಿತ ಭಜನೆ ಗಮನ ಸೆಳೆಯಿತು.

​ಸಮಾಜದ ಹಿರಿಯ ಮುತ್ತೈದೆಯರಾದ ಪ್ರಫುಲ್ಲ ಜನಾರ್ಧನ ಆಚಾರ್ಯ ಪಾದುರು, ವಸಂತಿ ಪದ್ಮನಾಭ ಆಚಾರ್ಯ ನಿಟ್ಟೆ ಹಾಗೂ ರಾಜೀವಿ ಕೃಷ್ಣ ಆಚಾರ್ಯ ದಹಿಸರ್ ಅವರನ್ನು ಗೌರವಿಸಲಾಯಿತು. ಸಮಿತಿಯ ಮಾರ್ಗದರ್ಶಕರಾದ ಶ್ರೀಮತಿ ಕುಮರೇಶ್ ಆಚಾರ್ಯ ಮತ್ತು ಶೋಭಾ ಸನಾತನ ಆಚಾರ್ಯ ಅವರನ್ನು ಸದಸ್ಯೆಯರು ಸನ್ಮಾನಿಸಿದರು.

  • ​ಪದ್ಮಾವತಿ ಬಿ. ಶೆಟ್ಟಿ (ಮುಖ್ಯ ಅತಿಥಿ): “ಆಹಾರ ಪದ್ಧತಿ ಕಾಲಕ್ಕೆ ತಕ್ಕಂತೆ ಇರಬೇಕು. ದುಡಿದ ಹಣದಲ್ಲಿ ಸ್ವಲ್ಪ ಭಾಗವನ್ನು ಸಮಾಜದ ಧರ್ಮ ಕಾರ್ಯಕ್ಕೆ ನಿಸ್ವಾರ್ಥವಾಗಿ ನೀಡಿದರೆ ಮೋಕ್ಷ ಸಾಧ್ಯ,” ಎಂದರು.
  • ​ಸುಜಾತಾ ಜಿ. ಆಚಾರ್ಯ (ಗೌರವ ಅತಿಥಿ): ಮಂಡಳಿಯ 15 ವರ್ಷಗಳ ಸಾಧನೆಯನ್ನು ಶ್ಲಾಘಿಸಿ, ಈ ಯಶಸ್ಸಿಗೆ ಸದಸ್ಯೆಯರ ಪತಿಯಂದಿರ ಸಹಕಾರವೂ ಕಾರಣ ಎಂದು ನುಡಿದರು.
  • ​ವೇದಿಕೆಯಲ್ಲಿ ಶ್ರೀ ಕಾಳಿಕಾಂಬ ವಿನಾಯಕ ದೇವಸ್ಥಾನದ ಮಹಿಳಾ ವಿಭಾಗದ ಉಪಾಧ್ಯಕ್ಷೆ ಸವಿತಾ ದಾಮೋದರ ಆಚಾರ್ಯ ಉಪಸ್ಥಿತರಿದ್ದರು.

​ಸಂಸ್ಥೆಯ ಹಿರಿಯ ಸದಸ್ಯೆ ಪುಷ್ಪಾ ಜೆ. ಆಚಾರ್ಯ ಅವರ ಮಾರ್ಗದರ್ಶನವನ್ನು ಸ್ಮರಿಸಿದ ಶ್ರೀಮತಿ ಕುಮರೇಶ್ ಆಚಾರ್ಯ, “ಎಂಟು ಜನರಿಂದ ಆರಂಭವಾದ ಈ ಸಂಸ್ಥೆ ಇಂದು 35 ಸದಸ್ಯೆಯರನ್ನು ಹೊಂದಿದ್ದು, ಒಗ್ಗಟ್ಟಿನಿಂದ ಸಮಾಜ ಸೇವೆ ಮಾಡುತ್ತಿದೆ,” ಎಂದು ಪ್ರಾಸ್ತಾವಿಕವಾಗಿ ಮಾತನಾಡಿದರು.

​ಭಾರತಿ ಸುರೇಂದ್ರ ಆಚಾರ್ಯ ಸ್ವಾಗತಿಸಿದರು. ವೀಣಾ ಸುಧೀರ್ ಆಚಾರ್ಯ ಮತ್ತು ಮಂಜುಳಾ ಆಚಾರ್ಯ ಕಾರ್ಯಕ್ರಮ ನಿರೂಪಿಸಿದರು. ಶೋಭಾ ಸನಾತನ ಆಚಾರ್ಯ ವಂದಿಸಿದರು. ಸಾಂಸ್ಕೃತಿಕ ಕಾರ್ಯಕ್ರಮದ ನಂತರ ಅರಿಶಿಣ-ಕುಂಕುಮ ಹಾಗೂ ಅನ್ನಪ್ರಸಾದ ವಿತರಣೆ ನಡೆಯಿತು.



Related posts

ವಾಲ್ಕೇಶ್ವರದ ಕೈವಲ್ಯ ಮಠದಲ್ಲಿ ಮಾಘ ಮಹಾ ಪಂಚಮಿ ವೈಭವ

Mumbai News Desk

ಕುಲಾಲ ಸಂಘ ಮುಂಬಯಿ ; 93ನೇ ವಾರ್ಷಿಕ ಮಹಾಸಭೆ

Mumbai News Desk

ಜ್ಞಾನ ವಿಕಾಸ ಮಂಡಳದ ಮೆಹ್ತಾ ಕಾಲೇಜಿನಲ್ಲಿ ಗೀತಾ ಜಯಂತಿ ಕಾರ್ಯಕ್ರಮ

Mumbai News Desk

ಬಿಲ್ಲವರ ಎಸೋಸಿಯೇಷನ್ ಬೊರಿವಿಲಿ ದಹಿಸರ್ ಸ್ಥಳೀಯ ಕಚೇರಿ ಮಹಿಳಾ ಸದಸ್ಯರಿಂದ ಹಳದಿ ಕುಂಕುಮ ಕಾರ್ಯಕ್ರಮ

Mumbai News Desk

ಬಂಟರ ಸಂಘ ಮುಂಬಯಿ, ಜೋಗೇಶ್ವರಿ-ದಹಿಸರ್ ಪ್ರಾದೇಶಿಕ ಸಮಿತಿಯ ಅಶ್ರಯದಲ್ಲಿ ಉಚಿತ ನೇತ್ರ ಪರೀಕ್ಷೆ ಹಾಗೂ ರಕ್ತದಾನ ಶಿಬಿರ

Mumbai News Desk

ಶ್ರೀ ಮಹಾವಿಷ್ಣು ಮಂದಿರ, ಡೊಂಬಿವಲಿ ಸುವರ್ಣ ಸಂಭ್ರಮ – ಸರಣಿ ಕಾರ್ಯಕ್ರಮ – 7 ಮಹಿಳಾ ವಿಭಾಗದ ವತಿಯಿಂದ ಹೂವಿನ ರಂಗೋಲಿ ಸ್ಪರ್ಧೆ – 2026

Mumbai News Desk