ಶ್ರೀ ಮೂಕಾಂಬಿಕಾ ಶಾಂತದುರ್ಗಾ ಸೇವಾ ಸಮಿತಿ,ಭಾಯಂದರ್ ಇದರ ವತಿಯಿಂದ ವಾರ್ಷಿಕ ‘ಶ್ರೀ ಮಹಾದೇವಿ ಮಹಾಪೂಜೆ’ಯು ಏಪ್ರಿಲ್ 12, 2026ರ ಭಾನುವಾರದಂದು ಭಾಯಂದರ್ ಪೂರ್ವದ ಎಸ್.ವಿ. ರೋಡ್ನಲ್ಲಿರುವ ನವಘರ್ ಕ್ರಾಸ್ ಹತ್ತಿರದ ನ್ಯೂ ಕೃಷ್ಣ ಪ್ಯಾಲೇಸ್ ಕೊ. ಅಪ್. ಸೊಸೈಟಿಯ ತಳಮಹಡಿಯಲ್ಲಿ ಅತ್ಯಂತ ಸಡಗರ ಸಂಭ್ರಮದಿಂದ ಜರುಗಲಿದೆ.
ಧರ್ಮ ಸೇವಕ ಹಾಗೂ ಪ್ರಧಾನ ಅರ್ಚಕರಾದ ಶೇಖರ್ ಎಸ್. ಶೆಟ್ಟಿ ಅವರ ಪವಿತ್ರ ಹಸ್ತಗಳಿಂದ ಈ ಧಾರ್ಮಿಕ ಕಾರ್ಯಕ್ರಮಗಳು ನೆರವೇರಲಿವೆ. ಅಂದು ಬೆಳಿಗ್ಗೆ 6:00 ಗಂಟೆಯಿಂದ ವನದುರ್ಗಾ ಹೋಮ ಪ್ರಾರಂಭವಾಗಲಿದ್ದು, 9:30ರಿಂದ ಭಜನಾ ಕಾರ್ಯಕ್ರಮ ನಡೆಯಲಿದೆ.ಬಳಿಕ ದೇವಿ ದರ್ಶನ, ಮಹಾಪೂಜೆ ನಡೆದು,ಮಧ್ಯಾಹ್ನ 1:00ರಿಂದ 3:00 ಗಂಟೆಯವರೆಗೆ ಸಾರ್ವಜನಿಕ ಅನ್ನಸಂತರ್ಪಣೆ ಏರ್ಪಡಿಸಲಾಗಿದೆ. ದಿವಂಗತ ಸುಂದರಿ ಶೆಟ್ಟಿ ಅವರ ಮಕ್ಕಳು, ಕುಟುಂಬಸ್ಥರು ಹಾಗೂ ಸೇವಾ ಸಮಿತಿಯ ಪದಾಧಿಕಾರಿಗಳು ಈ ಪುಣ್ಯ ಕಾರ್ಯದಲ್ಲಿ ಸರ್ವ ಭಕ್ತಾದಿಗಳು ಪಾಲ್ಗೊಂಡು ಶ್ರೀ ದೇವಿಯ ಕೃಪೆಗೆ ಪಾತ್ರರಾಗಬೇಕೆಂದು ಈ ಮೂಲಕ ಆಮಂತ್ರಿಸಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ಮೊಬೈಲ್ ಸಂಖ್ಯೆ 9867792911 ಅನ್ನು ಸಂಪರ್ಕಿಸಬಹುದಾಗಿದೆ.
