ನವಿ ಮುಂಬೈ ಮನ್ಸಿಪಲ್ ಕಾರ್ಪೊರೇಷನ್ (NMMC) ಪ್ರದೇಶಕ್ಕೆ ನೀರು ಸರಬರಾಜು ಮಾಡುವ 1700 ಮಿಮೀ ವ್ಯಾಸದ ಮೋಬ್ರೆ ಮುಖ್ಯ ನೀರಿನ ಪೈಪ್ ಲೈನ್, ಪಾಮ್ ಬೀಚ್ ರಸ್ತೆಯಲಿದೆ. ನೆರೂಲ್ ನ ಸೆಕ್ಟರ್ 46ರ ಅಕ್ಷರ್ ಕಟ್ಟಡದ ಬಳಿ ಆಗಾಗ್ಗೆ ಸೋರಿಕೆಯನ್ನು ಎದುರಿಸುತ್ತಿದೆ. ಈ ಸಮಸ್ಯೆಯನ್ನು ಪರಿಹರಿಸಲು ಪೀಡಿತ ಪ್ರದೇಶದಲ್ಲಿ ಹೊಸ ಪೈಪ್ ಲೈನ್ ಅನ್ನು ಹಾಕಲಾಗಿದೆ. ಹೊಸ ಪೈಪ್ ಲೈನ್ ಅನ್ನು ಹಳೆಯ ಪೈಪ್ ಲೈನ್ ಗೆ ಎರಡು ತುದಿಗಳಲ್ಲಿ ಸಂಪರ್ಕಿಸುವ ಕೆಲಸವನ್ನು ಶುಕ್ರವಾರ ಜುಲೈ 18ರಂದು ಮಾಡಲಾಗುವುದು.
ಪರಿಣಾಮವಾಗಿ ಜುಲೈ 18, 2025ರ ಶುಕ್ರವಾರ ಬೆಳಿಗ್ಗೆ 10 ರಿಂದ ಜುಲೈ 19, 2025ರ ಶನಿವಾರ ಬೆಳಿಗ್ಗೆ 4:00ರ ವರೆಗೆ 18 ಗಂಟೆಗಳ ಕಾಲ ಮುಖ್ಯ ಪೈಪಲೈನ್ ನಿಂದ ನೀರು ಸರಬರಾಜು ಸ್ಥಗಿತಗೊಳ್ಳುತ್ತದೆ. ಈ ಅವಧಿಯಲ್ಲಿ ಬೇಲಾಪುರ, ನೆರೂಲ್, ವಾಶಿ, ತುರ್ಬೆ, ಸಾನ್ಪಾಡ, ಕೊಪರ್ಖರ್ನೆ, ಘಂನ್ಸೋಲಿ, ಐರೋಲಿಯಲ್ಲಿ ನೀರು ಸರಬರಾಜು ಸಂಪೂರ್ಣವಾಗಿ ಸ್ಥಗಿತಗೊಳ್ಳುತ್ತದೆ. ಅಲ್ಲದೆ ಮುಖ್ಯ ಪೈಪಲೈನ್ ನಿಂದ ನೇರ ನೀರಿನ ಸಂಪರ್ಕ ಹೊಂದಿರುವ ಪ್ರದೇಶಗಳು ಮತ್ತು ಖಾರ್ಗರ್, ಕಾಮೋಥೆ ಯಂತಹ ಸಿಡ್ಕೋ ವಲಯಗಳು ಸಹ ಪರಿಣಾಮ ಬೀರುತ್ತವೆ.
ಜುಲೈ 18 ಶುಕ್ರವಾರ ಸಂಜೆ ಮತ್ತು ಜುಲೈ 19 ಶನಿವಾರ ಬೆಳಗ್ಗೆ ನೀರು ಸರಬರಾಜು ಇರುವುದಿಲ್ಲ, ಜುಲೈ 19 ಶನಿವಾರ ಸಂಜೆ ನಿವಾಸಿಗಳು ಕಡಿಮೆ ಒತ್ತಡ ಅಥವಾ ಅಸಮರ್ಪಕ ನೀರು ಸರಬರಾಜನ್ನು ಎದುರಿಸಬಹುದು. ಈ ಅವಧಿಯಲ್ಲಿ ನಾಗರಿಕರು ನೀರನ್ನು ವಿವೇಚನೆಯಿಂದ ಬಳಸಬೇಕು ಎಂದು ನವಿ ಮುಂಬೈ ಮನ್ಸಿಪಲ್ ಕಾರ್ಪೊರೇಷನ್ ವಿನಂತಿಸಿದೆ.
