ದಿನಾಂಕ: ಶನಿವಾರ, 20 ಸೆಪ್ಟೆಂಬರ್ 2025
ಸಮಯ: ಸಂಜೆ 5:00 ಗಂಟೆಯಿಂದ
ಸ್ಥಳ: ಶ್ರೀ ಜಗದಂಬ ಮಂದಿರ, ಡೊಂಬಿವಲಿ
ದೇವ ಕಲೆ, ಯಕ್ಷಗಾನದ ಅನನ್ಯ ಪ್ರದರ್ಶನಕ್ಕೆ ಡೊಂಬಿವಲಿಯ ಶ್ರೀ ಜಗದಂಬ ಮಂದಿರ ಸಜ್ಜಾಗಿದೆ. ಕಲಾಭಿಮಾನಿಗಳ ಮನಸೂರೆಗೊಳ್ಳಲು, ಶ್ರೀ ಬಪ್ಪನಾಡು ದುರ್ಗಾಪರಮೇಶ್ವರಿ ಕೃಪಾ ಪೋಷಿತ ಯಕ್ಷಗಾನ ಮಂಡಳಿ, ಮೂಲ್ಕಿ ಇವರಿಂದ ವಿದ್ಯುತ್ ದೀಪ ಅಲಂಕೃತಗೊಂಡ ರಂಗಸ್ಥಳದಲ್ಲಿ “ಭಂಡಾರ ಜಾವಡಿ” ತುಳು ಯಕ್ಷಗಾನ ಬಯಲಾಟವು ದಿನಾಂಕ: ಶನಿವಾರ, 20 ಸೆಪ್ಟೆಂಬರ್ 2025 ರಂದು ಪ್ರದರ್ಶನಗೊಳ್ಳಲಿದೆ. ಅಜೆಕಾರು ಬಾಲಕೃಷ್ಣ ಶೆಟ್ಟಿ ಅವರ ನೇತೃತ್ವದಲ್ಲಿ, ಅಜೆಕಾರು ಕಲಾಭಿಮಾನಿ ಬಳಗ, ಮುಂಬಯಿ ಇವರು ಈ ಯಕ್ಷಗಾನದ ವೈಭವಕ್ಕೆ ಸಂಚಾಲಕತ್ವ ವಹಿಸಿದ್ದಾರೆ.
ಈ ಅದ್ಭುತ ಪ್ರದರ್ಶನಕ್ಕೆ ಪ್ರಖ್ಯಾತ ಕಲಾವಿದರ ಬಳಗವೇ ಆಗಮಿಸುತ್ತಿದ್ದು, ಪ್ರೇಕ್ಷಕರನ್ನು ಮಂತ್ರಮುಗ್ಧರನ್ನಾಗಿಸಲಿದ್ದಾರೆ.
ಹಿಮ್ಮೇಳದಲ್ಲಿ:
- ಭಾಗವತರು: ಶ್ರೀ ಗಣೇಶ್ ಹೆಬ್ರಿ ಮತ್ತು ಶ್ರೀ ಧೀರಜ್ ರೈ ಸಂಪಾಜೆ ಇವರ ಕಂಚಿನ ಕಂಠದ ಗಾಯನವು ಪ್ರೇಕ್ಷಕರನ್ನು ಕಥೆಯೊಳಗೆ ಕರೆದೊಯ್ಯಲಿದೆ.
- ಚೆಂಡೆ: ಶ್ರೀ ಪ್ರಶಾಂತ್ ಶೆಟ್ಟಿ ವಗೆನಾಡು ಅವರ ಚೆಂಡೆಯ ನಿನಾದವು ಕಥೆಗೆ ಜೀವ ತುಂಬಲಿದೆ.
- ಮದ್ದಳೆ: ಶ್ರೀ ರೋಹಿತ್ ಉಚ್ಚಿಲ ಅವರ ಮೃದಂಗದ ಲಯಬದ್ಧ ವಾದನವು ರಂಗಸ್ಥಳಕ್ಕೆ ಹೊಸ ಕಳೆ ತರಲಿದೆ.
- ಚಕ್ರತಾಳ: ಶ್ರೀ ದಿನೇಶ್ ನೀರ್ಕೆರೆ ಅವರ ಚಕ್ರತಾಳದ ನಾದವು ಕಥಾಭಾಗದ ಭಕ್ತಿಯನ್ನು ಮತ್ತಷ್ಟು ಹೆಚ್ಚಿಸಲಿದೆ.
ಮುಮ್ಮೇಳದಲ್ಲಿ:
ಪ್ರಸಿದ್ಧ ಕಲಾವಿದರಾದ ಶ್ರೀ ರಾಧಾಕೃಷ್ಣ ನಾವುಡ ಮಧೂರು, ಶ್ರೀ ಜಯಾನಂದ ಸಂಪಾಜೆ, ಶ್ರೀ ಪಂಜ ಗುಡ್ಡಪ್ಪ ಸುವರ್ಣ, ಶ್ರೀ ರಾಕೇಶ್ ರೈ ಅಡ್ಡ, ಶ್ರೀ ಸಂತೋಷ್ ಕರಂಬಾರ್, ಶ್ರೀ ಸುರೇಶ್ ಹೆಗ್ಡೆ ಬಂಗಾಡಿ, ಶ್ರೀ ಅರಳ ಸುರೇಶ್, ಶ್ರೀ ಪ್ರಕಾಶ್ ಪಂಜ, ಮತ್ತು ಶ್ರೀ ಪುಷ್ಪರಾಜ ಗರ್ಗಲ್ ಇವರು ತಮ್ಮ ಪಾತ್ರಗಳ ಮೂಲಕ ಕಥೆಗೆ ಹೊಸ ಆಯಾಮ ನೀಡಲಿದ್ದಾರೆ.
- ಹಾಸ್ಯ: ಶ್ರೀ ದಿನೇಶ್ ಶೆಟ್ಟಿಗಾರ್ ಕೊಡಪದವು ಅವರು ತಮ್ಮ ಹಾಸ್ಯ ಪಾತ್ರಗಳ ಮೂಲಕ ಪ್ರೇಕ್ಷಕರ ಮನರಂಜಿಸಲಿದ್ದಾರೆ.
- ಸ್ತ್ರೀ ಪಾತ್ರಗಳು: ಶ್ರೀ ಪರಮೇಶ್ವರ ಗಂಗಾನಾಡು, ಶ್ರೀ ಸುದರ್ಶನ್ ಸೂರಿಂಜೆ, ಶ್ರೀ ಮಹೇಶ್ ಸಾಲ್ಯಾನ್, ಮತ್ತು ಶ್ರೀ ಕಾರ್ತಿಕ್ ಗಂಜಿಮಠ ಅವರು ತಮ್ಮ ನಟನೆಯ ಮೂಲಕ ಸ್ತ್ರೀ ಪಾತ್ರಗಳಿಗೆ ಜೀವ ತುಂಬಲಿದ್ದಾರೆ.
ಈ ದಿವ್ಯ ಕಲಾ ಪ್ರದರ್ಶನದ ಮಧ್ಯಂತರದಲ್ಲಿ, ಸಮಾರಂಭವೊಂದು ಏರ್ಪಡಿಸಲಾಗಿದೆ. ಶ್ರೀ ಜಗದಂಬಾ ಮಂದಿರದ ಅಧ್ಯಕ್ಷರಾದ ಶ್ರೀ ದಿವಾಕರ್ ಜಿ. ರೈ ಅವರ ಘನ ಅಧ್ಯಕ್ಷತೆಯಲ್ಲಿ ನಡೆಯುವ ಈ ಧಾರ್ಮಿಕ ಸಭಾ ಕಾರ್ಯಕ್ರಮಕ್ಕೆ, ಅಂತರಾಷ್ಟ್ರೀಯ ಜ್ಯೋತಿಷಿಗಳಾದ ಶ್ರೀ ಅಶೋಕ್ ಪುರೋಹಿತ್ ಮತ್ತು ಶ್ರೀ ರಾಧಾಕೃಷ್ಣ ಶನೀಶ್ವರ ಮಂದಿರದ ಪ್ರಧಾನ ಅರ್ಚಕರಾದ ಶ್ರೀ ಪ್ರಕಾಶ್ ಭಟ್ ಕಾನಂಗಿ ಅವರು ಆಶೀರ್ವಚನ ನೀಡಲಿದ್ದಾರೆ.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಶ್ರೀ ಆನಂದ ಶೆಟ್ಟಿ ಎಕ್ಕಾರ್ (ಬಂಟರ ಸಂಘ, ಡೊಂಬಿವಲಿ ಪ್ರಾದೇಶಿಕ ಸಮಿತಿಯ ಕಾರ್ಯಧ್ಯಕ್ಷರು) ಆಗಮಿಸಲಿದ್ದಾರೆ. ಅಲ್ಲದೆ, ಗೌರವ ಅತಿಥಿಗಳಾಗಿ ಹಲವು ಗಣ್ಯರು ಉಪಸ್ಥಿತರಿರುವರು:
- ಶ್ರೀ ಶ್ಯಾಮ್ ಎನ್. ಶೆಟ್ಟಿ (ಬಂಟ್ಸ್ ಅಸೋಸಿಯೇಷನ್ನ ಮಾಜಿ ಅಧ್ಯಕ್ಷರು)
- ಲಾಯನ್ ಶ್ರೀ ಶಂಕರ್ ಶೆಟ್ಟಿ (ಉದ್ಯಮಿ)
- ಶ್ರೀ ಉದಯ್ ಶೆಟ್ಟಿ ಅರ್ಡಿ (ಪ್ರವೀಣ್ ಇಂಟರ್ನ್ಯಾಷನಲ್, ಉಲ್ಲಾಸ್ ನಗರ)
- ಶ್ರೀ ಕರುಣಾಕರ ಶೆಟ್ಟಿ ಕಲ್ಲಡ್ಕ (ಸಂಚಾಲಕರು, ಬಂಟರ ಸಂಘ, ಡೊಂಬಿವಲಿ ಪ್ರಾದೇಶಿಕ ಸಮಿತಿ)
- ಶ್ರೀ ಸುರೇಶ್ ಕುಮಾರ್ ಕದ್ರಿ (ಉಪಾಧ್ಯಕ್ಷರು, ಬಿಲ್ಲವರ ಅಸೋಸಿಯೇಷನ್, ಮುಂಬೈ)
- ಶ್ರೀ ಸುಬೋಧ ಭಂಡಾರಿ (ಕಾರ್ಯಧ್ಯಕ್ಷರು, ಬಂಟರ ಸಂಘ, ಭಿವಂಡಿ ಬಾದಲಾಪುರ ಪ್ರಾದೇಶಿಕ ಸಮಿತಿ)
- ಶ್ರೀ ರವಿ ಸನಿಲ್ (ಕೋಶಾಧಿಕಾರಿ, ಬಿಲ್ಲವರ ಅಸೋಸಿಯೇಷನ್, ಮುಂಬೈ)
- ಶ್ರೀ ಪ್ರಭಾಕರ ಶೆಟ್ಟಿ (ಹೋಟೆಲ್ ಅಂಬಿಕಾ, ಡೊಂಬಿವಲಿ)
- ಶ್ರೀ ಸೋಮನಾಥ ಆರ್. ಪೂಜಾರಿ (ಅಧ್ಯಕ್ಷರು, ಶ್ರೀ ರಾಧಾಕೃಷ್ಣ ಶನೀಶ್ವರ ಮಂದಿರ, ಡೊಂಬಿವಲಿ)
- ಶ್ರೀ ಸುಜಿತ್ ಪೂಜಾರಿ (ತುಳು ಕನ್ನಡ ವೆಲ್ಫೇರ್ ಅಸೋಸಿಯೇಷನ್, ಕೊಮೊಟೆ ಅಧ್ಯಕ್ಷರು)
- ಶ್ರೀ ಸತೀಶ್ ದೇವಾಡಿಗ (ಸಮಾಜ ಸೇವಕರು, ಮುಂಬೈ)
- ಶ್ರೀ ಸೂರಜ್ ಸಪಳಿಗ (ಅಧ್ಯಕ್ಷರು, ಜೈ ಭವಾನಿ ಶನೀಶ್ವರ ಮಂದಿರ, ಡೊಂಬಿವಲಿ)
- ಶ್ರೀ ದಿನೇಶ್ ಮೊಗವೀರ (ಶ್ರೀ ಶಬರಿ ಅಯ್ಯಪ್ಪ ಭಜನಾ ಮಂಡಳಿ, ಡೊಂಬಿವಲಿ)
ಈ ಸುಸಂದರ್ಭದಲ್ಲಿ, ಸಾಹಿತ್ಯ ಕ್ಷೇತ್ರದಲ್ಲಿ ಅಪಾರ ಕೊಡುಗೆ ನೀಡಿರುವ ಖ್ಯಾತ ವಿದ್ವಾಂಸರಾದ ವಿದ್ವಾನ್ ನಾರಾಯಣ ಬಂಗೇರ ಅವರನ್ನು ಸನ್ಮಾನಿಸಿ ಗೌರವಿಸಲಾಗುವುದು. ಜೊತೆಗೆ, “ಶ್ರೀ ಜಗದಂಬಾ ಯಕ್ಷ ಕಲಾ ಪೋಷಕ ಪ್ರಶಸ್ತಿ” ಯನ್ನು ಕಲಾಪೋಷಕರಾದ ಅನಿಲ್ ಶೆಟ್ಟಿ ವಕ್ಕೇರಿ ಮತ್ತು ಚಂದ್ರಿಕಾ ಅನಿಲ್ ಶೆಟ್ಟಿ ದಂಪತಿಗಳಿಗೆ ನೀಡಿ ಗೌರವಿಸಲಾಗುವುದು.
ಯಕ್ಷಗಾನದ ಮುಕ್ತಾಯದ ನಂತರ, ದೇವತಾ ಕಾರ್ಯದ ಭಾಗವಾಗಿ ಅನ್ನಸಂತರ್ಪಣೆ ನಡೆಯಲಿದೆ. ಯಕ್ಷ ಕಲಾ ಪ್ರೇಮಿಗಳು, ಬಂಧು-ಮಿತ್ರರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಯಕ್ಷ ಮಾತೆ ಶ್ರೀ ದುರ್ಗಾಪರಮೇಶ್ವರಿ ಅಮ್ಮನವರ ಹಾಗೂ ಶ್ರೀ ಜಗದಂಬೆ ಅಮ್ಮನವರ ಪರಿವಾರ ದೇವರ ಕೃಪೆಗೆ ಪಾತ್ರರಾಗಬೇಕೆಂದು ಈ ಮೂಲಕ ವಿನಂತಿಸಲಾಗಿದೆ.
ಈ ಪುಣ್ಯ ಕಾರ್ಯದಲ್ಲಿ ಮಂದಿರದ ಅಧ್ಯಕ್ಷರಾದ ಶ್ರೀ ದಿವಾಕರ್ ಜಿ. ರೈ, ಉಪಾಧ್ಯಕ್ಷರುಗಳಾದ ಶ್ರೀ ರವೀಂದ್ರ ವೈ. ಶೆಟ್ಟಿ ಮತ್ತು ಶ್ರೀ ದಿನೇಶ್ ಜಿ. ಪೂಜಾರಿ, ಗೌರವ ಪ್ರಧಾನ ಕಾರ್ಯದರ್ಶಿ ಶ್ರೀ ರಾಜೇಶ್ ಸಿ. ಕೋಟ್ಯಾನ್, ಗೌರವ ಕೋಶಾಧಿಕಾರಿ ಶ್ರೀ ಸಂತೋಷ್ ಎಂ. ಶೆಟ್ಟಿ, ಜೊತೆ ಕಾರ್ಯದರ್ಶಿ ಶ್ರೀ ಸಚಿನ್ ಪೂಜಾರಿ, ಜೊತೆ ಕೋಶಾಧಿಕಾರಿ ಶ್ರೀ ಹರೀಶ್ ಕೋಟ್ಯಾನ್, ಸಾಂಸ್ಕೃತಿಕ ಸಮಿತಿಯ ವಿಜಯ್ ಶೆಟ್ಟಿ ಸಜೀಪ ಗುತ್ತು, ಪೂಜಾ ವಿಭಾಗ, ಮಹಿಳಾ ವಿಭಾಗ, ಯುವ ವಿಭಾಗ ಮತ್ತು ಸಮಸ್ತ ಸದಸ್ಯರು ತಮ್ಮೆಲ್ಲರನ್ನೂ ಆದರದಿಂದ ಆಹ್ವಾನಿಸಿದ್ದಾರೆ.
