ಮೀರಾ ಭಯಂದರ್, ಸೆಪ್ಟೆಂಬರ್ 27: ವಿದ್ಯೆಯು ವ್ಯಕ್ತಿಯ ವ್ಯಕ್ತಿತ್ವವನ್ನೂ, ಸಮಾಜದ ಭವಿಷ್ಯವನ್ನೂ ರೂಪಿಸುವ ಶಕ್ತಿ. ಅಂತಹ ವಿದ್ಯೆಯನ್ನು ಹರಡಿದ ಪವಿತ್ರ ತಾಣವೇ ಕೊಲಕಾಡಿ ಹಿರಿಯ ಪ್ರಾಥಮಿಕ ಶಾಲೆ.
ಕಳೆದ ಶತಮಾನದಿಂದ ಸಾವಿರಾರು ಮಕ್ಕಳ ಭವ್ಯ ಭವಿಷ್ಯಕ್ಕೆ ಬೆಳಕು ನೀಡಿದ ಈ ಶಾಲೆಯ ಮುಂಬೈಯ ಹಳೆಯ ವಿದ್ಯಾರ್ಥಿಗಳಿಂದ, ಸೆಪ್ಟೆಂಬರ್ 29, ಸೋಮವಾರ, ಬೆಳಿಗ್ಗೆ 8:30ಕ್ಕೆ ಶಾರದಾ ಪೂಜಾ ಮಹೋತ್ಸವವನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಈ ಪವಿತ್ರ ಆಚರಣೆಯು ಮೀರಾ ಭಯಂದರ್ ಪೂರ್ವದ ಭಾರತಿ ಪಾರ್ಕ್‌ನ ಮೊದಲ ಮಹಡಿಯಲ್ಲಿರುವ ಶ್ರೀ ಲಕ್ಷ್ಮೀನಾರಾಯಣ ಭಜನಾ ಸಮಿತಿ ಮಂದಿರದಲ್ಲಿ ನಡೆಯಲಿದೆ.
ಸಭೆಯಲ್ಲಿ ಪಾಲ್ಗೊಳ್ಳುವಿಕೆ
ಶಾಲೆಯ ಹಳೆಯ ವಿದ್ಯಾರ್ಥಿಗಳು ಮತ್ತು ಊರವರ ಜೊತೆಗೆ, ಎಲ್ಲರೂ ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಬೇಕಾಗಿ ವಿನಂತಿ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: 73532 28533
ಶಾಲೆಯ ಇತಿಹಾಸ ಮತ್ತು ಕೊಡುಗೆ
1884ರಲ್ಲಿ ಆರಂಭವಾದ ಈ ಶಾಲೆಯು ಬಳ್ಕುಂಜೆ, ಪಲಿಮಾರು, ಎಳತ್ತೂರು, ಶಿಮಂತೂರು, ಕವತ್ತಾರು, ಅತಿಕಾರಿಬೆಟ್ಟು, ಕಿಲ್ಪಾಡಿ, ಮಾನಂಪಾಡಿ ಸೇರಿದಂತೆ ಸುತ್ತಮುತ್ತಲ ಗ್ರಾಮಗಳ ಮಕ್ಕಳಿಗೆ ಶಿಕ್ಷಣ ನೀಡಿದೆ. 1924ರಲ್ಲಿ ನಿರ್ಮಿತವಾದ ಕಟ್ಟಡವು ಇಂದಿಗೂ ಪರಂಪರೆ ಮತ್ತು ಶ್ರಮದ ಸಾಕ್ಷಿಯಾಗಿ ನಿಂತಿದೆ.
ಶಾಲೆಯಲ್ಲಿ ಕಲಿತ ಸಾವಿರಾರು ವಿದ್ಯಾರ್ಥಿಗಳು ಇಂದು ದೇಶ-ವಿದೇಶಗಳಲ್ಲಿ ಉನ್ನತ ಸ್ಥಾನಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಮೂಲ ಶಾಲೆಯ ಹಿತದೃಷ್ಟಿಯಿಂದ ಅವರು ಇಂದು ಹಳೆಯ ವಿದ್ಯಾರ್ಥಿ ಸಂಘದ ಮೂಲಕ ಶಾಲೆಗೆ ಸಹಭಾಗಿತ್ವ ಸಲ್ಲಿಸುತ್ತಿದ್ದಾರೆ. ಸಂಘವು ಶಾಲೆಯ ಭವಿಷ್ಯವನ್ನು ರೂಪಿಸಲು ಕಂಕಣಬದ್ಧವಾಗಿ ಮತ್ತು ಹತ್ತಿರದಿಂದ ಕಾರ್ಯನಿರ್ವಹಿಸುತ್ತಿದೆ.
