ಮೀರಾ ರೋಡ್: ಮುಂಬೈನ ಮೀರಾ ರೋಡ್ ಪ್ರದೇಶದ ಮೀರಾ ಗಾಂವ್, ಮೀರಾ ಸೊಸೈಟಿಯಲ್ಲಿ ನೆಲೆಸಿರುವ ಮತ್ತು ತುಳು-ಕನ್ನಡಿಗರಿಂದ ಸ್ಥಾಪಿಸಲ್ಪಟ್ಟಿರುವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಈ ವರ್ಷದ 34ನೇ ವರ್ಷದ ಶ್ರೀ ಅಯ್ಯಪ್ಪ ಸ್ವಾಮಿ ಮಹಾಪೂಜೆ ಯನ್ನು ನವೆಂಬರ್ 30, ಭಾನುವಾರದಂದು ಅತ್ಯಂತ ವಿಜೃಂಭಣೆಯಿಂದ ಆಚರಿಸಲಾಗುವುದು. ಈ ಸಂದರ್ಭದಲ್ಲಿ ಭಕ್ತಾದಿಗಳಿಗೆ ಅನ್ನಸಂತರ್ಪಣೆ ವ್ಯವಸ್ಥೆ ಮಾಡಲಾಗಿದೆ.
ದೇವಸ್ಥಾನದ ಆಡಳಿತ ಮುಕ್ತೇಸರರಾದ ಶ್ರೀಮಂತೂರು ಮಜಲು ಗುತ್ತು ಬಾಬಾ ರಂಜನ್ ಶೆಟ್ಟಿ ಅವರ ಸಾರಥ್ಯದಲ್ಲಿ ಹಾಗೂ ಪ್ರಧಾನ ಅರ್ಚಕರಾದ ಸಾಣೂರು ಸಾಂತಿಂಜ ಜನಾರ್ದನ್ ಭಟ್ ಅವರ ನೇತೃತ್ವದಲ್ಲಿ ಪೂಜಾ ಕೈಂಕರ್ಯಗಳು ನೆರವೇರಲಿವೆ. ಶ್ರೀ ಜಯಶೀಲ ಗುರುಸ್ವಾಮಿ ಯವರ ಮಾರ್ಗದರ್ಶನದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ.
ಧಾರ್ಮಿಕ ಕಾರ್ಯಕ್ರಮಗಳ ವಿವರ:
| ಸಮಯ | ಕಾರ್ಯಕ್ರಮ |
|---|---|
| ಬೆಳಿಗ್ಗೆ 6:00 – 7:00 | ಗಣಹೋಮ |
| ಬೆಳಿಗ್ಗೆ 7:00 – 8:00 | ರುದ್ರಾಭಿಷೇಕ |
| ಬೆಳಿಗ್ಗೆ 9:30 – 10:30 | ಶ್ರೀ ಮಹಾಲಿಂಗೇಶ್ವರ ಮಹಿಳಾ ಭಜನಾ ಮಂಡಳಿಯವರಿಂದ ಭಜನೆ |
| ಬೆಳಿಗ್ಗೆ 10:30 – 11:30 | ಶ್ರೀ ಜಯಶೀಲ ಗುರುಸ್ವಾಮಿ ನೇತೃತ್ವದಲ್ಲಿ ಶ್ರೀ ಲಕ್ಷ್ಮೀನಾರಾಯಣ ಭಜನಾ ಮಂಡಳಿಯ ಸದಸ್ಯರಿಂದ ಭಜನೆ |
| ಬೆಳಿಗ್ಗೆ 11:30 ಕ್ಕೆ | ಪಡಿಪೂಜೆ (ಪಡಿಸೇವೆ) ಹಾಗೂ ಮಹಾ ಮಂಗಳಾರತಿ |
| ಮಧ್ಯಾಹ್ನ 12:30 ಕ್ಕೆ | ಮಹಾ ಅನ್ನಸಂತರ್ಪಣೆ (ಪ್ರಸಾದ ವಿತರಣೆ) |
ದೇವಸ್ಥಾನದ ಸ್ಥಾಪಕರಾದ ದಿವಂಗತ ವಿಶ್ವನಾಥ ಪೂಂಜ ಪರಿವಾರ, ಕೃಷ್ಣ ಶೆಟ್ಟಿ, ಪ್ರಧಾನ ಅರ್ಚಕರಾದ ಶ್ರೀ ಸಾಂತಿಂಜ ಮಾಧವ್ ಭಟ್, ಶ್ರೀ ಮಹಾಲಿಂಗೇಶ್ವರ ಟ್ರಸ್ಟ್ ಸದಸ್ಯರು ಹಾಗೂ ಮೀರಾ ಸೊಸೈಟಿ ಸಮಿತಿ ಸದಸ್ಯರು ಸಮಸ್ತ ಭಕ್ತಾದಿಗಳು ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ, ಶ್ರೀ ಮಹಾಲಿಂಗೇಶ್ವರ ದೇವರ ಮತ್ತು ಕಲಿಯುಗ ವರದಾತ ಶ್ರೀ ಅಯ್ಯಪ್ಪ ಸ್ವಾಮಿಯ ಕೃಪೆಗೆ ಪಾತ್ರರಾಗಬೇಕೆಂದು ಈ ಮೂಲಕ ವಿನಂತಿಸಿಕೊಂಡಿದ್ದಾರೆ.
