ಮುಂಬಯಿಯ ದಹಿಸರ್ ಪೂರ್ವದಲ್ಲಿರುವ ಶ್ರೀ ದುರ್ಗಾಪರಮೇಶ್ವರಿ ಶನೈಶ್ವರ ದೇವಸ್ಥಾನದಲ್ಲಿ ಶ್ರೀ ನಾಗದೇವತೆಯ ದಿವ್ಯ ಆಶೀರ್ವಾದಕ್ಕಾಗಿ ನಾಗಪಂಚಮಿ ಉತ್ಸವ 2026ವನ್ನು ಆಗಸ್ಟ್ 17ರ ಸೋಮವಾರದಂದು ಬೆಳಗ್ಗೆ 8 ಗಂಟೆಯಿಂದ ಭಕ್ತಿಭಾವ ಹಾಗೂ ಶ್ರದ್ಧೆಯಿಂದ ಆಯೋಜಿಸಲಾಗಿದೆ.
ಪವಿತ್ರ ನಾಗಪಂಚಮಿ ಪ್ರಯುಕ್ತ ನಡೆಯಲಿರುವ ಈ ಉತ್ಸವದಲ್ಲಿ ಭಕ್ತರು ಕುಟುಂಬ ಸಮೇತರಾಗಿ ಪಾಲ್ಗೊಂಡು ಶ್ರೀ ನಾಗದೇವತೆಯ ದರ್ಶನ ಪಡೆದು ಪೂಜೆ, ಸೇವೆ ಹಾಗೂ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವಂತೆ ದೇವಸ್ಥಾನದ ಸಮಿತಿ ಆತ್ಮೀಯವಾಗಿ ಆಹ್ವಾನಿಸಿದೆ. ಉತ್ಸವದ ಅಂಗವಾಗಿ ತನು ತಂಬಿಲ ಸೇವೆ ₹251 ಹಾಗೂ ಮೇಲ್ಪಟ್ಟು ಸಲ್ಲಿಸಲು ಅವಕಾಶವಿದ್ದು, ಭಕ್ತರು ತೆಂಗಿನಕಾಯಿ, ಪಿಂಗಾರ, ಹಾಲು ಹಾಗೂ ಜೇನುತುಪ್ಪವನ್ನು ನಾಗದೇವತೆಗೆ ಸಮರ್ಪಿಸಬಹುದಾಗಿದೆ.
ಸೇವೆ, ಕಾಣಿಕೆ ಹಾಗೂ ಇತರ ಮಾಹಿತಿಗಾಗಿ ಆಹ್ವಾನ ಪತ್ರಿಕೆಯಲ್ಲಿ ನೀಡಿರುವ ಕ್ಯೂಆರ್ ಕೋಡ್ ಮೂಲಕ ಕೊಡುಗೆ ಸಲ್ಲಿಸಬಹುದಾಗಿದ್ದು, ಹೆಚ್ಚಿನ ವಿವರಗಳಿಗಾಗಿ 9136043313 ಸಂಖ್ಯೆಯನ್ನು ಸಂಪರ್ಕಿಸಬಹುದು.
ಶ್ರೀ ದುರ್ಗಾಪರಮೇಶ್ವರಿ ಶನೈಶ್ವರ ದೇವಸ್ಥಾನ ಸಮಿತಿಯ ಅಧ್ಯಕ್ಷ ಸಂತೋಷ್ ಪೂಜಾರಿ, ಗೌರವ ಕಾರ್ಯದರ್ಶಿ ಜಯರಾಮ್ ಎನ್. ಮೆಂಡನ್ ಹಾಗೂ ಗೌರವ ಖಜಾಂಚಿ ದೀಪಕ್ ಕೆ. ಪೂಜಾರಿ ಅವರ ನೇತೃತ್ವದಲ್ಲಿ ಉತ್ಸವದ ಸಿದ್ಧತೆಗಳು ನಡೆಯುತ್ತಿವೆ. ಭಕ್ತಾದಿಗಳ ಸಾನ್ನಿಧ್ಯ ಹಾಗೂ ಸಕ್ರಿಯ ಪಾಲ್ಗೊಳ್ಳುವಿಕೆ ಈ ಪವಿತ್ರ ಆಚರಣೆಗೆ ಮತ್ತಷ್ಟು ದೈವಿಕ ಮೆರುಗು ನೀಡಲಿದೆ ಎಂದು ಸಮಿತಿ ತಿಳಿಸಿದೆ.
